- Ишлегенден, къарагъан уста.
- Бойнуму джети джерден кессенг да, мен ол ишни этеллик тюлме.
- Миллетни бойну – базыкъ, аны бла кюрешген – джазыкъ.
- Къарт айтханны этмеген, къартаймаз.
- Тёрени джагъы джокъ.
- Агъач – джерни чырайы, кийим – эрни чырайы.
- Джолда аягъынга сакъ бол, ушакъда тилинге сакъ бол.
- Ишлегенде эринме, ишде чолакъ кёрюнме.
- Джан саулукъ бермей, сан саулукъ бермезсе.
- Этни да ашады, бетни да ашады.
- Арба аугъандан сора, джол кёргюзтюучю кёб болур.
- Кёзню ачылгъаны – иги, ауузну джабылгъаны – иги.
- Акъыл къартда, джашда тюйюлдю – башдады.
- Ишин билген, аны сыйын чыгъарады.
- Ёлген ийнек сютлю болур.
- Билимден уллу байлыкъ джокъду.
- Бети бедерден, намыс сакълама.
- Ёгюзню мюйюзюнден тутадыла, адамны сёзюнден тутадыла.
- Сабийни джумушха джибер да, ызындан бар.
- Ауругъаннга – кийик саулукъ, джетген къызгъа – чилле джаулукъ.
- Шекер бла туз – бир болмаз, ушамагъан – юй болмаз.
- Айранны сюйген, ийнек тутар.
- Битмегеннге сакъал – танг.
- Иши джокъну, сыйы джокъ.
- Къонагъынгы артмагъын алма да, алгъышын ал.
- Нарт сёз къарт болмаз.
- Джуртун къоругъан озар.
- Кесинге джетмегенни, кёб сёлешме.
- Азыкъ аз болса, эртде орун сал.
- Къумурсхала джыйылсала, пилни да джыгъадыла.
- Джети тилни билген джети кишиди.
- Тойгъан джерден туугъан джер игиди.
- Ачыкъ джюрекге джол – ачыкъ.
- Биреуге аманлыкъны тилеме да, кесинге ашхылыкъны тиле.
- Тенгинг джокъ эсе – изле, бар эсе – сакъла!
- Эл ауузу – элек, анга ийнаннган – халек.
- Ёксюзню тилеги къабыл болур.
- Сескекли кесин билдирир.
- Тюзлюк шохлукъну бегитир.
- Билимли ёлмез, билимсиз кёрмез.
- Аууздан келген, къолдан келсе, ким да патчах болур эди.
- Джаш болсун, къыз болсун, акъылы, саны тюз болсун.
- Аллахдан тилесенг, кёб тиле.
- Чомартха хар кюн да байрамды.
- Дуния аламаты сен эсенг да, игиме деб айтма.
- Таукел тауну аудурур.
- Термилгенинги табмазса, кюлгенинге тюберсе.
- Этим кетсе да, сюегим къалыр.
- Алим болгъандан эсе, адам болгъан къыйынды.
- Эл тойса, тоймагъан, эл къойса, къоймагъан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72