- Тойгъандан сора, ашны сёкме.
- Акъыллы айтыр эди, акъылсыз къоймайды.
- Ёксюзню къалачы уллу кёрюнюр.
- Къонагъы джокъну – шоху джокъ.
- Джюз элде джюз ёгюзюм болгъандан эсе, джюз джууугъум болсун.
- Чоюнну башы ачыкъ болса, итге уят керекди.
- Ач къалгъандан, кеч къалгъан къолай.
- Акъыллы – эл иеси, тели – эл баласы.
- Кёзню ачылгъаны – иги, ауузну джабылгъаны – иги.
- Тюзлюк шохлукъну бегитир.
- Чомартха хар кюн да байрамды.
- Юйюнг бла джау болгъандан эсе, элинг бла джау бол.
- Итли къонакъ джарашмаз.
- Акъыл сабырлыкъ берир.
- Хунаны тюбюн къазсанг, юсюнге ауар.
- Билим къая тешер.
- Тойгъан джерге джети къайт.
- Чабакъ башындан чирийди.
- Элни кючю – эмеген.
- Нёгер болсанг, тенг бол, тенг болмасанг, кенг бол.
- Азыгъы аз, алгъа къабар, аты аман, алгъа чабар.
- Хоншуну тауугъу къаз кёрюнюр, келини къыз кёрюнюр.
- Ата Джуртун танымагъан, атасын да танымаз.
- Адебни адебсизден юрен.
- Адамны сыфатына къарама, сёзюне къара.
- Джангызны оту джарыкъ джанмаз!
- Атадан ёксюз – бир ёксюз, анадан ёксюз – эки ёксюз.
- Ачлыкъ отха секиртир.
- Джолунга кёре – джюрюшюнг, джагъанга кёре – юлюшюнг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къарыусузгъа кюлме, онгсузгъа тийме.
- Кенгеш болса, уруш болмаз.
- Кёб ант этген, кёб ётюрюк айтыр.
- Эринчекге кюн узун.
- Ашха уста, юйюнде болсун
- Аман адам элни бир-бирине джау этер.
- Биреуню тёрюнден, кесинги эшик артынг игиди.
- Къартны сыйын кёрмеген, къартлыгъында сыйлы болмаз.
- Эл ауузу – элек, анга ийнаннган – халек.
- Термилгенинги табмазса, кюлгенинге тюберсе.
- Дуния мал дунияда къалады.
- Мураты болгъанны джюрек тебюую башхады.
- Къызны минг тилер, бир алыр.
- Кёрмегеннге кебек – танг, битмегеннге сакъал – танг.
- Узун джолну барсанг, бюгюн келирсе, къысха джолну барсанг, тамбла келирсе.
- Тойгъа барсанг, тоюб бар, эски тонунгу къоюб бар.
- Бастасын ашагъан, хантусун да ичер.
- Джырчы ёлсе, джыры къалыр.
- Ишни ахырын ойламай, аллын башлама.
- Арбаз къынгырды да, ийнек сауалмайма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72