- Ёзденликни джайгъан – джокълукъ.
- Ашыкъгъанны этеги бутуна чырмалыр.
- Чакъырылгъанны аты, чакъырылмагъанны багъасы болур.
- Аш берме да, къаш бер.
- Эшекге миннген – биринчи айыб, андан джыгъылгъан – экинчи айыб.
- Хата – гитчеден.
- Уясында не кёрсе, учханында аны этер.
- Хоншуну тауугъу къаз кёрюнюр, келини къыз кёрюнюр.
- Эркишини аманы тиширыуну джылатыр.
- Ачлыкъда тары гырджын халыуадан татлы.
- Кюн кёрмеген, кюн кёрсе, кюндюз чыракъ джандырыр.
- Атадан ёксюз – бир ёксюз, анадан ёксюз – эки ёксюз.
- Элиб деген, элге болушур.
- Аманны эки битли тону болур, бирин сеннге кийдирир, бирин кеси киер.
- Рысхы – сют юсюнде кёмюк кибикди.
- Айраннга суу къош, телиге джол бош.
- Кёзден кетген, кёлден да кетеди.
- Къонакъ болсанг, ийнакъ бол.
- Къарын къуру болса, джюрек уру болур.
- «Ма», - дегенни билмесенг, «бер», - дегенни билмезсе.
- Ауругъан – джашаудан умутчу.
- Эрни эр этерик да, къара джер этерик да, тиширыуду.
- Уллу суу бла уллу ауруудан башынгы сакъла.
- Келлик заман – къартлыкъ келтирир, кетген заман – джашлыкъ ёлтюрюр.
- Аман киши кеси юйюнде – къонакъ.
- Айныгъанлы алты кюн, тогъайгъанлы тогъуз кюн.
- Байлыкъ адамны сокъур этер.
- Джюз элде джюз ёгюзюм болгъандан эсе, джюз джууугъум болсун.
- Адамны адамлыгъы къыйынлыкъда айгъакъланады.
- Туз, гырджын аша, тюзлюк бла джаша.
- Къар – келтирди, суу – элтди.
- Бозанг болмагъан джерге, къалагъынгы сукъма.
- Тёрде – темир таякълы, къаяда – чыпчыкъ аякълы.
- Къыз чыгъаргъан – къызыл къымжа.
- Мухардан ач ычхынмаз.
- Аман адам элни бир-бирине джау этер.
- Тюзлюк шохлукъну бегитир.
- Шапа кёб болса, аш татымсыз болур.
- Эл элде бирер малынг болгъандан эсе, бирер тенгинг болсун.
- Ачыу алгъа келсе, акъыл артха къалады.
- Намыс болмагъан джерде, насыб болмаз.
- Ашатыргъа иш – ашхы, ишлетирге аш – ашхы.
- Аман хансны – урлугъу кёб.
- Итли къонакъ джарашмаз.
- Юреннген ауруу къалмаз.
- Ёлген ийнек сютлю болур.
- Адеб джокъда, намыс джокъ.
- Къууут – джелге, берне – бошха.
- Билген билмегенни юретген адетди.
- Тилсиз миллет джокъ болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72