- Ашхы тенг джолгъа салыр, аман тенг джолдан тайдырыр.
- Кёзню ачылгъаны – иги, ауузну джабылгъаны – иги.
- Ата Джуртуму башы болмасам да, босагъасында ташы болайым.
- Тилсиз миллет джокъ болур.
- Сёз – кюмюш, джыр – алтын.
- Иесиз малны бёрю ашар.
- Аш хазыр болса, иш харам болур.
- Асхат ашлыкъ сата, юйдегиси ачдан къата.
- Ханы къызы буюгъа-буюгъа киштик болду.
- Эл тойса, тоймагъан, эл къойса, къоймагъан.
- Къатыны харакетли болса, эри къымсыз болур.
- Кёбге таш атма.
- Зар адамны насыбы болмаз.
- Ариу сёз – къылычдан джити.
- Кийимни бир кюнню аясанг, минг кюннге джарар.
- Акъыллы башны – тили къысха.
- Чомарт къонакъ юй иесин сыйлар.
- Ётюрюк хапар аякъ тюбю бла джюрюйдю.
- Кютгени беш эчки, сызгъыргъаны уа, джерни джарады.
- Мал ёлсе, сюек къалыр, адам ёлсе, иши къалыр.
- Чабакъсыз кёлге къармакъ салгъанлыкъгъа, чабакъ тутмазса.
- Бойнуму джети джерден кессенг да, мен ол ишни этеллик тюлме.
- Байлыкъ келсе, акъыл кетер.
- Айтхан сёзюне табылгъан.
- Ариуну – ауруу кёб.
- Кёпюр салгъан кеси ётер, уру къазгъан кеси кетер.
- Арпа, будай – ащды, алтын, кюмюш а – ташды.
- Ёлмесенг да, къарт дамы болмазса?
- Акъыллы айтыр эди, акъылсыз къоймайды.
- Ётген ёмюр – акъгъан суу.
- Кёзюнде тереги болгъан, чёбю болгъаннга кюле эди.
- Къартны сыйын кёрмеген, къартлыгъында сыйлы болмаз.
- Тулпарлыкъ, билекден тюл – джюрекден.
- Арбаз сайлама да, хоншу сайла.
- Ачны эсинде – аш.
- Элиб деген, элге болушур.
- Ёпкелегенни ашы татлы болады.
- Айыбны суу бла джууалмазса.
- Элни кючю – эмеген.
- Ишлемеген – тишлемез.
- Иги джашны ышаны – аз сёлешиб, кёб тынгылар.
- Ач келгенни – тойдур, кеч келгенни – къондур.
- Къарнынг къанлынга кийирир.
- Намыс сатылыб алынмайды.
- Чомартха Тейри да борчлуду.
- Аман адамны тепсинге олтуртсанг, къызынгы тилер.
- Ёксюзню къалачы уллу кёрюнюр.
- Тойгъа алгъа да барма, тойда артха да къалма.
- Айтхан – тынч, этген – къыйын.
- Адебни адебсизден юрен.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72