- Дууулдаса – бал чибин, къонса – къара чибин.
- Айыбны суу бла джууалмазса.
- Джашлыкъ этмеген, башлыкъ этмез.
- Эли джокъну – кёлю джокъ.
- Ач келгенни – тойдур, кеч келгенни – къондур.
- Билимден уллу байлыкъ джокъду.
- Ашхылыкъ джерде джатмайды, аманлыкъ суугъа батмайды.
- Тил – кесген бычакъ, сёз – атылгъан окъ.
- Зарда марда джокъ.
- Чыкълы кюнде чыкъмагъан, чыкъса къуру кирмеген.
- Къазанда болса, чолпугъа чыгъар.
- Къууут – джелге, берне – бошха.
- Башда акъыл болмаса, эки аякъгъа кюч джетер.
- Чомартха Тейри да борчлуду.
- Аман къатын алгъан, арыр, иги къатын алгъан джарыр.
- Тыш элде солтан болгъандан эсе, кесинги элде олтан болгъан игиди!
- Бал чибинни ургъаны – ачы, балы – татлы.
- Къонагъынгы артмагъын алма да, алгъышын ал.
- Джолда аягъынга сакъ бол, ушакъда тилинге сакъ бол.
- Бюгюн дуния кибик, тамбла ахыратды.
- Кёлсюзден сёзсюз тууар.
- Аманнга да, игиге да оноусуз къатышма.
- Нёгерсизни джолу узун.
- Атлыны кёрсе, джаяуну буту талыр.
- Хоншуну тауугъу къаз кёрюнюр, келини къыз кёрюнюр.
- Оюмсуз атлагъан, аджалсыз ёлюр.
- Бети – къучакълар, джюреги – бычакълар.
- Хар ишни да аллы къыйынды.
- Чомарт къолда мал къалмаз.
- Кёзден кетген, кёлден да кетеди.
- Баланы адам этген анады.
- Ойнай-ойнай кёз чыгъар.
- Къолунгдан къуймакъ ашатсанг да, атаны борчундан къутулмазса.
- Къызгъанчдан ычхыныр, мухардан ычхынмаз.
- Битмегеннге сакъал – танг.
- Шапа кёб болса, аш татымсыз болур.
- Ауузу аманнга «иги», деме.
- Къыз келсе, джумуш эте келеди, къатын келсе, ушакъ эте келеди.
- Эшекге миннген – биринчи айыб, андан джыгъылгъан – экинчи айыб.
- Къалгъан ишге къар джауар.
- Ариу джол аджал келтирмез.
- Къонакъны къачан кетерин сорма, къачан келлигин сор.
- Этни бети бла шорпасы.
- Рысхысына кёре, джаш ёсер, къышлыгъына кёре, мал ёсер.
- Эки къатын алгъан – эки ташны ортасына башын салгъан.
- Бетинги сатма, малынгы сат.
- Кёл – къызбай, къол – батыр.
- Кесинге джетмегенни, кёб сёлешме.
- Бир абыннган – минг сюрюнюр.
- Бек ашыкъгъан меннге джетсин, дегенди аракъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72