- Тик ёргени, тик энгишгеси да болады.
- Телини эшигин, махтау джабар.
- Хоншуну тауугъу къаз кёрюнюр, келини къыз кёрюнюр.
- Байма, деб да, къууанма, джарлыма, деб да, джылама.
- Кеси юйюмде мен да ханма.
- Урама да – ёледи, сатама да – келеди.
- Адеб джокъда, намыс джокъ.
- Ашха уста, юйюнде болсун
- Сютден ауузу кюйген, суугъа юфгюре эди.
- Эрни эр этерик да, къара джер этерик да, тиширыуду.
- Башы ишлегенни, ауузу да ишлер.
- Къыз тиширыу кеси юйюнде да къонакъды.
- Ашына кёре табагъы, балына кёре къалагъы.
- Ашхы болсанг, атынг чыгъар, аман болсанг, джанынг чыгъар.
- Эр абынмай, эл танымаз.
- Тойгъа алгъа да барма, тойда артха да къалма.
- Атлыны ашхысы, ат тизгининден билинир
- Эки итни арасына сюек атма, эки адамны арасында сёз чыгъарма.
- Чабакъ башындан чирийди.
- Рысхысына кёре, джаш ёсер, къышлыгъына кёре, мал ёсер.
- Битмегеннге сакъал – танг.
- Джырына кёре эжиую.
- Сескекли кесин билдирир.
- Булут кёкге джарашыу, уят бетге джарашыу.
- Тёгюлген тюгел джыйылмайды.
- Эл ауузу – элек, анга ийнаннган – халек.
- Къошда джокъгъа – юлюш джокъ.
- Келинни – келгинчи, бёркню кийгинчи кёр.
- Аш кетер да бет къалыр.
- Биреу ашаб къутулур, биреу джалаб тутулур.
- Эркиши – от, тиширыу – суу.
- Окъуу – билимни ачхычы, окъуу – дунияны бачхычы.
- Окъугъан озар, окъумагъан тозар.
- Адеб базарда сатылмаз.
- Къая джолда джортма, ачыкъ сёзден къоркъма.
- Джангыз терек къынгыр ёсер.
- Таугъа чыгъаллыкъ эсенг, тюзде къалма.
- Керти сёзге тёре джокъ.
- Бети къызарыучу адамны, джюреги харам болмаз.
- Ким бла джюрюсенг, аны кёзю бла кёрюнюрсе.
- Джыланны къуйругъундан басарынг келсе, аны башы болгъанын унутма.
- Къонакъ аз олтурур, кёб сынар.
- Элге къуллукъ этмеген, элге ие болмаз.
- Тас болгъан бычакъны сабы – алтын.
- Къыйынлы джети элни къайгъысын этер.
- Хар ишни да аллы къыйынды.
- Атадан ёксюз – бир ёксюз, анадан ёксюз – эки ёксюз.
- Бал чибинни ургъаны – ачы, балы – татлы.
- Аууз сакълагъан – джан сакълар.
- Адам къыйынлыгъын кёлтюрюр, зауукълугъун кёлтюрмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72