- Ашда – бёрю, ишде – ёлю.
- Чомартны къолу берекет.
- Тынгылагъан тынгы бузар.
- Биреу ашаб къутулур, биреу джалаб тутулур.
- Джангыз терек къынгыр ёсер.
- Насыблы элин сюер, насыбсыз кесин сюер.
- Акъыллы башны – тили къысха.
- Чомарт бергенин айтмаз.
- Бет бетге къараса, бет да джерге къарар.
- Адамны джюреги нени кёрюрге сюйсе, кёзю да аны кёрюрге ёч болады.
- Эл тойса, тоймагъан, эл къойса, къоймагъан.
- Тилчиден кери бол.
- Аллахха ийнаннган кишини, Аллах онгдурур ишин.
- Тенгинг джокъ эсе – изле, бар эсе – сакъла!
- Аджал соруб келмез, келсе, къайтыб кетмез.
- Иги адамны бир сёзю эки болмаз.
- Хаухну атма, ёнгкючню сатма.
- Аман хансны – урлугъу кёб.
- Акъдан къара болмаз.
- Кюлме джашха – келир башха.
- Ариу сёзде ауруу джокъ.
- Айтхан – тынч, этген – къыйын.
- Къатын къылыкъсыз, эр тынчлыкъсыз.
- Къызын тута билмеген, тул этер, джашын тута билмеген, къул этер.
- Джетген къыз джерли эшекни танымаз.
- Тура эдим джата, къайдан чыкъды хата?
- Эшекге миннген – биринчи айыб, андан джыгъылгъан – экинчи айыб.
- Билими азны – ауузунда кирит.
- Эрни эр этерик да, къара джер этерик да, тиширыуду.
- Акъыл бла адеб эгизледиле.
- Мал кёб болса, джууукъ кёб болур.
- Айырылгъанланы айю ашар, бёлюннгенлени бёрю ашар.
- Сагъышы джокъ – джукъучу, акъылы джокъ – къаугъачы.
- Билимсиз иш бармаз.
- Сёз къанатсыз учар.
- Уллу атлама – абынырса, уллу къабма – къарылырса.
- Сютден ауузу кюйген, суугъа юфгюре эди.
- Билим ат болуб да чабар, къуш болуб да учар.
- Юре билмеген ит, къонакъ келтирир.
- Ишленмеген джаш – джюгенсиз ат, ишленмеген къыз – тузсуз хант.
- Таукел адам тау тешер.
- Хатерли къул болур.
- Джумушакъ терекни къурт ашар.
- Ауузу бла къуш тута айланады.
- Гырджын – тепсини тамадасы.
- Чакъырылмагъан джерге барма, чакъырылгъан джерден къалма.
- Кёл – къызбай, къол – батыр.
- Илму – джашауну джолу.
- Ётюрюк хапар аякъ тюбю бла джюрюйдю.
- Эртде тургъан бла эртде юйленнген сокъуранмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72