- Ётген ёмюр – акъгъан суу.
- Айтхан сёзюне табылгъан.
- Ашда уялгъан – мухар, ишде уялгъан – хомух.
- Джуртун къоругъан озар.
- Элге къуллукъ этмеген, элге ие болмаз.
- Тёрдеги кюлсе, эшикдеги ышарыр.
- Аллахха ийнаннган кишини, Аллах онгдурур ишин.
- Адам къыйынлыгъын кёлтюрюр, зауукълугъун кёлтюрмез.
- Хоншуну тауугъу къаз кёрюнюр, келини къыз кёрюнюр.
- Къызын тута билмеген, тул этер, джашын тута билмеген, къул этер.
- Ойнай-ойнай кёз чыгъар.
- Къыз чыгъаргъан – къызыл къымжа.
- Хар сёзню орну барды.
- Татлы сёз – балдан татлы.
- Адебни адебсизден юрен.
- Джюрекге ариу – кёзге да ариу.
- Джылкъыдан – ат чыгъар, тукъумдан – джаш чыгъар.
- Ариу – кёзге, акъыл – джюрекге.
- Билген билмегенни юретген адетди.
- Суугъа – таянма, джаугъа – ийнанма.
- Ауругъанны сау билмез, ач къарынны токъ билмез.
- Эртде тургъан джылкъычыны эркек аты тай табар.
- Ишленмеген джаш – джюгенсиз ат, ишленмеген къыз – тузсуз хант.
- Ким бла джюрюсенг, аны кёзю бла кёрюнюрсе.
- Аякъларынгы джууургъанынга кёре узат.
- Аманнга да, игиге да оноусуз къатышма.
- Алма терегинден кери кетмез.
- Ёлген ийнек сютлю болур.
- Джаз бир кюнню джатсанг, къыш талай кюнню абынырса.
- Джашны джигитлиги сорулур, къызны джигерлиги сорулур.
- Башы джабылгъан челекге, кир тюшмез.
- Джахил болса анасы, не билликди баласы?
- Этек чакъмакълары баш джаргъан, сёлешген сёзлери таш джаргъан.
- Тёзген – тёш ашар!
- Туз, гырджын аша, тюзлюк бла джаша.
- Ёксюзню тилеги къабыл болур.
- Къазанны башы ачыкъ болса, итге уят керекди.
- Таугъа чыгъаллыкъ эсенг, тюзде къалма.
- Ата – баланы уясы.
- Тойгъа барсанг, тоюб бар, эски тонунгу къоюб бар.
- Къулакъдан эсе, кёзге ышан.
- Кёлсюзден сёзсюз тууар.
- Эшекге миннген – биринчи айыб, андан джыгъылгъан – экинчи айыб.
- Урунуу – насыбны анасы.
- Акъыл неден да кючлюдю.
- Къарын къуру болса, джюрек уру болур.
- Сабий кёргенин унутмаз.
- Ишин билген, аны сыйын чыгъарады.
- Тилде сюек болмаса да, сюек сындырыр.
- Къыз келсе, джумуш эте келеди, къатын келсе, ушакъ эте келеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72