- Аллахдан тилесенг, кёб тиле.
- Киштикге къанат битсе, чыпчыкъ къалмаз эди.
- Къартны сыйын кёрмеген, къартлыгъында сыйлы болмаз.
- Адамны аты башхача, акъылы да башхады.
- Чарсда алчыны эл кёреди.
- Акъыллы айтыр эди, акъылсыз къоймайды.
- Кёрмегеннге кебек – танг, битмегеннге сакъал – танг.
- Къарны аманнга къазан такъдырма, къолу аманнга от джакъдырма.
- Джан саулукъ бермей, сан саулукъ бермезсе.
- Чакъырылмагъан къонакъ тёрге атламаз.
- Джумушакъ терекни къурт ашар.
- Оюмсуз атлагъан, аджалсыз ёлюр.
- Атадан ёксюз – бир ёксюз, анадан ёксюз – эки ёксюз.
- Аз сёлешген, къайгъысыз турур.
- Дженгил джетерикме деб, узун джолну къоюб, къысхасын барма.
- Баш болса, бёрк табылыр.
- Къонакъ аман болса, къонакъбай джунчур
- Хатерли къул болур.
- Кёб ант этген, кёб ётюрюк айтыр.
- Азыкълы ат арымаз, къатыны аман джарымаз.
- Биреуге аманлыкъны тилеме да, кесинге ашхылыкъны тиле.
- Билими азны – ауузунда кирит.
- Таукел тауну аудурур.
- Тиширыусуз юй – отсуз от джагъа.
- Аз сёлеш, кёб ишле.
- Кюн – узун, ёмюр – къысха.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ач уят къоймаз.
- Ачылгъан эт джабылыр, кёрген кёз унутмаз.
- Биреу къой излей, биреу той излей.
- Ауурну тюбю бла, дженгилни башы бла джюрюген.
- Намыс сатылыб алынмайды.
- Тешик этген тынчды, аны джамагъан къыйынды.
- Къазанчы аман болса, къазаны къайнамаз.
- Ишлегенден, къарагъан уста.
- Къыйынлы джети элге оноу этер.
- Бети бедерден, намыс сакълама.
- Ауузу аманнга «иги», деме.
- Кюн кёрмеген, кюн кёрсе, кюндюз чыракъ джандырыр.
- Ашхы сёз таш тешер.
- Къазанны башы ачыкъ болса, итге уят керекди.
- Эри аманны, къатыны – аман.
- Эл элде бирер малынг болгъандан эсе, бирер тенгинг болсун.
- Уллу сёлешме да, уллу къаб.
- Къызын тута билмеген, тул этер, джашын тута билмеген, къул этер.
- Туз, гырджын аша, тюзлюк бла джаша.
- Ёлген аслан – сау чычхан.
- Къыйынлы джети элни къайгъысын этер.
- Байлыкъ келсе, акъыл кетер.
- Ёзденликни джайгъан – джокълукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72