- Ашыкъгъанны этеги бутуна чырмалыр.
- Къар – келтирди, суу – элтди.
- Кесине оноу эте билмеген, халкъына да эте билмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашыкъгъан cуу, тенгизге джетмез.
- Джырына кёре эжиую.
- Ёлген ийнек сютлю болур.
- Джыйырма къойну юч джыйырма эбзе кюте эди.
- Чомарт къонакъ юй иесин сыйлар.
- Ач – эснер, ат – кишнер.
- Джол бла сёзню къыйыры джокъ.
- Нёгер болсанг, тенг бол, тенг болмасанг, кенг бол.
- Керилген да, ургъан кибикди.
- Акъыл сабырлыкъ берир.
- Кюн – узун, ёмюр – къысха.
- Тойгъа барсанг, тоюб бар, эски тонунгу къоюб бар.
- Кийимни бир кюнню аясанг, минг кюннге джарар.
- Бозанг болмагъан джерге, къалагъынгы сукъма.
- Ариу сёз аурууунгу алыр.
- Кёзюнде тереги болгъан, чёбю болгъаннга кюле эди.
- Кёб джашагъан – кёб билир.
- Рысхы джалгъанды: келген да этер, кетген да этер.
- Ач, тоймам, дейди, тойгъан, ач болмам, дейди.
- Булут кёкге джарашыу, уят бетге джарашыу.
- Тойну къарнашы – харс, джырны къарнашы – эжиу.
- Танг атмайма десе да, кюн къоярыкъ тюйюлдю.
- Таугъа чыгъаллыкъ эсенг, тюзде къалма.
- Телини эшигин, махтау джабар.
- Ауурну тюбю бла, дженгилни башы бла джюрюген.
- Адеб джокъда, намыс джокъ.
- Мал ёлсе, сюек къалыр, адам ёлсе, иши къалыр.
- Адеби болмагъан къыз – тузсуз хант.
- Айранны сюйген, ийнек тутар.
- Биреуню тёрюнден, кесинги эшик артынг игиди.
- Джумушакъ сёз къаты таякъны сындырыр.
- Адам къыйынлыгъын кёлтюрюр, зауукълугъун кёлтюрмез.
- Тёрдеги кюлсе, эшикдеги ышарыр.
- Джарлыны тону джаз битер.
- Таукел къуру къалмаз.
- Ашарыкъда сайлагъаннга – чий гырджын.
- Ишни аллы бла къууанма да, арты бла къууан.
- Къошда джокъгъа – юлюш джокъ.
- Эртде тургъан джылкъычыны эркек аты тай табар.
- Сууда джау джокъ, кёб сёзде магъана джокъ.
- Суу ичген шауданынга тюкюрме.
- Окъугъанны бети джарыкъ.
- Айраннга суу къош, телиге джол бош.
- Орну джокъну – сыйы джокъ.
- Джуртун къоругъан озар.
- Агъач – джерни чырайы, кийим – эрни чырайы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72