- Элни кючю – эмеген.
- Ашатыргъа иш – ашхы, ишлетирге аш – ашхы.
- Мал тутхан – май джалар.
- Окъдан джара эртде-кеч болса да бителир, сёз джара, ёмюрге къалыр.
- Акъыл бла адеб эгизледиле.
- Къонакъ хазыр болгъанлыкъгъа, къонакъбай хазыр тюлдю.
- Чакъырылмагъан джерге барма, чакъырылгъан джерден къалма.
- Эски джаугъа ышанма.
- Тёгюлген тюгел джыйылмайды.
- Дуния мал дунияда къалады.
- Сёз – кюмюш, джыр – алтын.
- Тойгъандан сора, ашны сёкме.
- Гугук кесини атын айтыб къычыргъанча, мен, мен деб нек тураса?
- От этилмеген джерден тютюн чыкъмайды.
- Бозаны арты дауур болур.
- Кёлсюзден сёзсюз тууар.
- Эл ауузу – элия.
- Дуния аламаты сен эсенг да, игиме деб айтма.
- Эки къатын алгъан – эки ташны ортасына башын салгъан.
- Чомарт джарлы болмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачыу алгъа келсе, акъыл артха къалады.
- Шапа кёб болса, аш татымсыз болур.
- Ёпкелегенни ашы татлы болады.
- Татлы сёз – балдан татлы.
- Джылыгъа джылан илешир.
- Ёгюзню мюйюзюнден тутадыла, адамны сёзюнден тутадыла.
- Ашлыкъ – бюртюкден, джюн – тюкден.
- Юре билмеген ит, къонакъ келтирир.
- Ёмюрлюк шохлукъну джел элтмез.
- Джюрекден джюрекге джол барды.
- Къонакъ болсанг, ийнакъ бол.
- Акъыллы айтыр эди, акъылсыз къоймайды.
- Джан саулукъ бермей, сан саулукъ бермезсе.
- Байлыкъ болгъан джерде, тынчлыкъ джокъду.
- Къаллай салам берсенг, аллай джууаб алырса.
- Аманнга игилик этсенг, юйюнге сау бармазса.
- Ач, тоймам, дейди, тойгъан, ач болмам, дейди.
- Гитче джилтин уллу элни джандырыр.
- Чыбыкълыкъда бюгюлмеген, къазыкълыкъда бюгюлмей эди.
- Соргъан айыб тюлдю, билмеген айыбды.
- Чакъырылмагъан къонакъ – орунсуз.
- Ишлегенден, къарагъан уста.
- Къарнынг бла ёч алма.
- Джангызны оту джарыкъ джанмаз!
- Окъ къызбайны джокълайды.
- Таукел тауну аудурур.
- Бал ашаргъа сюе эсенг, чибин ургъаннга тёз.
- Тойгъан джерден туугъан джер игиди.
- Ашхы сёз таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72