Эльбрусоид :: Форум :: Архив форумов

Телини эшигин, махтау джабар.
Сакъалы текени да бар, мыйыгъы киштикни да бар.
Ач бёрюге мекям джокъ.
Джарлы джети элни сёзюн этер.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Орну джокъну – сыйы джокъ.
Ишленмеклик адамлыкъды.
Тенгинг джокъ эсе – изле, бар эсе – сакъла!
Тели турса – той бузар.
Аш хазыр болса, иш харам болур.
Сибиртки да сыйлы болду, кюрек да кюнлю болду.
Этек чакъмакълары баш джаргъан, сёлешген сёзлери таш джаргъан.
Къан бла кирген, джан бла чыгъар.
Таукел тауну аудурур.
Бир онгсуз адам адет чыгъарды, деб эштирик тюлсе.
Акъдан къара болмаз.
Урама да – ёледи, сатама да – келеди.
Суу ичген шауданынга тюкюрме.
Ишлегенде эринме, ишде чолакъ кёрюнме.
Ашхы – джыяр, аман – джояр.
Ариу сёз аурууунгу алыр.
Эли джокъну – кёлю джокъ.
Билмегенинги, билгеннге сор.
Джумушакъ терекни къурт ашар.
Эл элде бирер малынг болгъандан эсе, бирер тенгинг болсун.
Байлыкъ келсе, акъыл кетер.
Джылар джаш, атасыны сакъалы бла ойнар.
Этим кетсе да, сюегим къалыр.
Тилчи тилден къаныкъмаз.
Бозаны арты дауур болур.
Къонакъ аз олтурур, кёб сынар.
Накъырда – кертини келечиси.
Иги джашны ышаны – аз сёлешиб, кёб тынгылар.
Миллетни бойну – базыкъ, аны бла кюрешген – джазыкъ.
Атлыны ашхысы, ат тизгининден билинир
Къарнынг тойгъунчу аша да, белинг талгъынчы ишле.
Эринчекни эр алмаз, эр алса да, кёл салмаз, кёл салса да, кёб бармаз!
Адам сёзюнден белгили.
Чомартха хар кюн да байрамды.
Иги адамны бир сёзю эки болмаз.
Ётюрюкню башын керти кесер.
Суугъа – таянма, джаугъа – ийнанма.
Ауругъаннга – кийик саулукъ, джетген къызгъа – чилле джаулукъ.
Бети бедерден, намыс сакълама.
Акъыл неден да кючлюдю.
Огъурлуну сёзю – суу, огъурсузну сёзю – уу.
Айтылгъан буйрукъ, сёгюлмез
Билгенни къолу къарны джандырыр.
Окъ къызбайны джокълайды.
Насыб бютеу халкъны юлюшюдю.

Логин:
Пароль:
	Запомнить меня на этом компьютере

Забыли свой пароль?
Регистрация