- Эки къатын алгъанны къулагъы тынгнгаймаз.
- Бюгюн дуния кибик, тамбла ахыратды.
- Адам боллукъ, атламындан белгили болур.
- Джырына кёре эжиую.
- Байлыкъ адамны сокъур этер.
- Хата – гитчеден.
- Телиге от эт десенг, юйюнге от салыр.
- Къарын къуру болса, джюрек уру болур.
- Сютню башын джалагъан къутулур, тюбюн ичген тутулур.
- Биреу къой излей, биреу той излей.
- Адам къаллай бир ишленмесе, аллай бир кесин уллу кёреди.
- Чомартны къолун джокълукъ байлар.
- Джол бла сёзню къыйыры джокъ.
- Тойгъан антын унутур.
- Сабий кёргенин унутмаз.
- Ётюрюкчюню шагъаты – къатында.
- Гугурук къычырмаса да, тангны атары къалмаз.
- Сёз сёзню айтдырыр.
- Ашхы атаны – джашы ашхы, ашхы ананы – къызы ашхы.
- Айтылгъан сёз ызына къайтмаз.
- Таш бла ургъанны, аш бла ур.
- Ашхы болсанг, атынг чыгъар, аман болсанг, джанынг чыгъар.
- Ауругъаннга – кийик саулукъ, джетген къызгъа – чилле джаулукъ.
- Булут кёкге джарашыу, уят бетге джарашыу.
- Ургъан суудан башынгы сакъла.
- Киштикге къанат битсе, чыпчыкъ къалмаз эди.
- Адеби болмагъан къыз – тузсуз хант.
- Кёз – сюйген джерде, къол – ауругъан джерде.
- Ким бла джюрюсенг, аны кёзю бла кёрюнюрсе.
- Юйюнгден чыкъдынг – кюнюнгден чыкъдынг.
- Тилсиз миллет джокъ болур.
- Уллу сёлешме да, уллу къаб.
- Сёлеш деб шай берген, тохта деб, сом берген.
- Алтыда кюлмеген, алтмышда кюлмез.
- Аджал соруб келмез, келсе, къайтыб кетмез.
- Тау башында, тау болмаз, джангыз терек, бау болмаз.
- Тёгюлген тюгел джыйылмайды.
- Тойгъа барсанг, тоюб бар, эски тонунгу къоюб бар.
- Чыкълы кюнде чыкъмагъан, чыкъса къуру кирмеген.
- Кечеси – аяз, кюню – къыш, джарлы къаргъагъа бир аш тюш!
- Таукел къуру къалмаз.
- Къайтырыкъ эшигинги, къаты уруб чыкъма.
- Кесине оноу эте билмеген, халкъына да эте билмез.
- Термилгенинги табмазса, кюлгенинге тюберсе.
- Къонакъ кёб келюучю юйню, къазаны отдан тюшмез.
- Къазанчы аман болса, къазаны къайнамаз.
- Аш берме да, къаш бер.
- Кёл – къызбай, къол – батыр.
- Биреуню тёрюнден, кесинги эшик артынг игиди.
- Ётюрюк хапар аякъ тюбю бла джюрюйдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72