- Джаш къарыу бла кючлю, къарт акъыл бла кючлю.
- Джогъун бар этген, барын бал этген.
- Ана къойну – балагъа джандет.
- Бир абыннган – минг сюрюнюр.
- Суугъа – таянма, джаугъа – ийнанма.
- Джерни букъусу кёкге къонмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кечеси – аяз, кюню – къыш, джарлы къаргъагъа бир аш тюш!
- Хатерли къул болур.
- Эрине къаргъыш этген къатын, эрнин къабар.
- Нафысынгы айтханын этме, намысынгы айтханын эт.
- Ойнаб айтсанг да, эслеб айт.
- Юй ишлеген балта эшикде къалыр.
- Джюрекден джюрекге джол барды.
- Бал чибинни ургъаны – ачы, балы – татлы.
- Бал – татлы, балдан да бала – татлы.
- Бюгюн дуния кибик, тамбла ахыратды.
- Джиби бир къат джетмей эди да, эки къат тарта эди.
- Билимли ёлмез, билимсиз кёрмез.
- Аллахха ийнаннган кишини, Аллах онгдурур ишин.
- Аз айтсам, кёб ангылагъыз.
- Башы ишлегенни, ауузу да ишлер.
- Джарлы тюеге минсе да, ит къабар.
- Джыланны къуйругъундан басарынг келсе, аны башы болгъанын унутма.
- Байны къызы баймакъ болса да, юйде къалмаз!
- Ашхы – джыяр, аман – джояр.
- Уясында не кёрсе, учханында аны этер.
- Аллахдан тилесенг, кёб тиле.
- Ишленмеген джаш – джюгенсиз ат, ишленмеген къыз – тузсуз хант.
- Хата – гитчеден.
- Къартха ушагъан джаш – акъыллы, джашха ушагъан къарт – тели.
- Джырчы ёлсе, джыры къалыр.
- Чомартны къолун джокълукъ байлар.
- Нёгерсизни джолу узун.
- Тай асырагъан, атха минер.
- Мадар болса, къадар болур.
- Урама да – ёледи, сатама да – келеди.
- Азыкълы ат арымаз, къатыны аман джарымаз.
- Ат да турмайды бир териде.
- Чакъырылмагъан къонакъ къачан кетерин сормаз.
- Намыс сатылыб алынмайды.
- Кютгени беш эчки, сызгъыргъаны уа, джерни джарады.
- Ашхы тенг джолгъа салыр, аман тенг джолдан тайдырыр.
- Оюмсуз атлагъан, аджалсыз ёлюр.
- Арбаз сайлама да, хоншу сайла.
- Айырылгъанланы айю ашар, бёлюннгенлени бёрю ашар.
- Ач да бол, токъ да бол – намысынга бек бол.
- Арбаз къынгырды да, ийнек сауалмайма.
- Джюрекге ариу – кёзге да ариу.
- Эринчекге кюн узун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72