- Акъыллы башны – тили къысха.
- Кесинг сынамагъан затны, адамгъа буюрма.
- Джаралыны джастыгъында сау ёлюр.
- Тамчы таш тешер.
- Хантына кёре тузу, юйюне кёре къызы.
- Тешик этген тынчды, аны джамагъан къыйынды.
- Айтхан – тынч, этген – къыйын.
- Ургъан суудан башынгы сакъла.
- Акъдан къара болмаз.
- Гугурук къычырмаса да, тангны атары къалмаз.
- Адам туугъан джеринде, ит тойгъан джеринде.
- Келгинчи, къонакъ уялыр, келгенден сора, къонакъбай уялыр.
- Эркишиге тары кебек танг кёрюнюр.
- Ишни ахырын ойламай, аллын башлама.
- Джюз элде джюз ёгюзюм болгъандан эсе, джюз джууугъум болсун.
- Эски джаугъа ышанма.
- Тели турса – той бузар.
- Атлыны кёрсе, джаяуну буту талыр.
- Алтыда кюлмеген, алтмышда кюлмез.
- Окъуу – билимни ачхычы, окъуу – дунияны бачхычы.
- Юйюнг бла джау болгъандан эсе, элинг бла джау бол.
- Къарнынг бла ёч алма.
- Мураты болгъанны джюрек тебюую башхады.
- Окъ къызбайны джокълайды.
- Малны кют, джерни тюрт.
- Адам къаллай бир ишленмесе, аллай бир кесин уллу кёреди.
- Ашхылыкъ джерде джатмайды, аманлыкъ суугъа батмайды.
- Къазанчы аман болса, къазаны къайнамаз.
- Чомарт къолда мал къалмаз.
- Баланы адам этген анады.
- Къралынгы – душмандан, башынгы от бла суудан сакъла.
- Эки ойлашыб, бир сёлешген.
- Бек анасы джыламаз.
- Чакъырылмагъан джерге барма, чакъырылгъан джерден къалма.
- Ашыкъгъанны этеги бутуна чырмалыр.
- Болджал ишни бёрю ашар.
- Бойнуму джети джерден кессенг да, мен ол ишни этеллик тюлме.
- Къулакъдан эсе, кёзге ышан.
- Аллахха ийнаннган кишини, Аллах онгдурур ишин.
- Гитче джилтин уллу элни джандырыр.
- Нарт сёз къарт болмаз.
- Азыкълы ат арымаз, къатыны аман джарымаз.
- Байлыкъдан саулукъ ашхыды.
- Ашхы – джыяр, аман – джояр.
- Намыс сатылыб алынмайды.
- Джыланны къуйругъундан басарынг келсе, аны башы болгъанын унутма.
- Хар зат кесини орнуна иги.
- Чыкълы кюнде чыкъмагъан, чыкъса къуру кирмеген.
- Кёпюр салгъан кеси ётер, уру къазгъан кеси кетер.
- Къууут – джелге, берне – бошха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72