- Билеги кючлю, бирни джыгъар, билими кючлю, мингни джыгъар.
- Кеси юйюмде мен да ханма.
- Хаухну атма, ёнгкючню сатма.
- Джумушакъ терекни къурт ашар.
- Ойнай-ойнай кёз чыгъар.
- «Ёгюз, джаргъа джууукъ барма, меннге джюк боллукъса», - дегенди эшек.
- Ат да турмайды бир териде.
- Урама да – ёледи, сатама да – келеди.
- Кийимни бичсенг, кенг бич, тар этген къыйын тюлдю.
- Сакъ юйюне сау барыр.
- Кёб джашагъан – кёб билир.
- Къазанны башы ачыкъ болса, итге уят керекди.
- Иги джашны ышаны – аз сёлешиб, кёб тынгылар.
- Игиге айтсанг – билир, аманнга айтсанг – кюлюр.
- Тюзню ётмеги тюзде къалса да, тас болмаз.
- Ашхы атаны – джашы ашхы, ашхы ананы – къызы ашхы.
- Джашны джигитлиги сорулур, къызны джигерлиги сорулур.
- Тенги кёбню джау алмаз, акъылы кёбню дау алмаз.
- Сууда джау джокъ, кёб сёзде магъана джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Бети бедерден, намыс сакълама.
- Ишни ахырын ойламай, аллын башлама.
- Эл ауузу – элек, анга ийнаннган – халек.
- Тойну къарнашы – харс, джырны къарнашы – эжиу.
- Эшекни не къадар тюйсенг да, ат болмаз.
- Адам къыйынлыгъын кёлтюрюр, зауукълугъун кёлтюрмез.
- Сёлеш деб шай берген, тохта деб, сом берген.
- Джангыз торгъай джырламаз.
- Эркиши – от, тиширыу – суу.
- Джарлы тюеге минсе да, ит къабар.
- Джумушакъ сёз къаты таякъны сындырыр.
- Къонакъ болсанг, ийнакъ бол.
- Дженгил джетерикме деб, узун джолну къоюб, къысхасын барма.
- Къарны аманнга къазан такъдырма, къолу аманнга от джакъдырма.
- Чакъырылгъанны аты, чакъырылмагъанны багъасы болур.
- Аман хансны – урлугъу кёб.
- Гугурук къычырмаса да, тангны атары къалмаз.
- Аууздан келген, къолдан келсе, ким да патчах болур эди.
- Келинни – келгинчи, бёркню кийгинчи кёр.
- Сёз сёзню айтдырыр.
- Къызын тута билмеген, тул этер, джашын тута билмеген, къул этер.
- Юре билмеген ит, къонакъ келтирир.
- Суугъа – таянма, джаугъа – ийнанма.
- Алгъанда – джууукъ, бергенде – джау.
- Иги – алгъыш этер, аман – къаргъыш этер.
- Акъыл бла адеб эгизледиле.
- Тура эдим джата, къайдан чыкъды хата?
- Орну джокъну – сыйы джокъ.
- Кимни – тили, тиши онглу, кимни – къолу, иши онглу.
- Аманнга игилик этсенг, юйюнге сау бармазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72