- Къазанны башы ачыкъ болса, итге уят керекди.
- Иги сеники эсе да, сюйген кесимикин этеме.
- Билмезни кёзю кёрмез, этмезни къулагъы эшитмез.
- Борчунг бар эсе, хурджунунга ойлаб узал.
- Къарнынг къанлынга кийирир.
- Алим болгъандан эсе, адам болгъан къыйынды.
- Берекет берсин деген джерде, берекет болур.
- Aдам боллукъ, сыфатындан белгили.
- Билгенни къолу къарны джандырыр.
- Адам сёзге тынгыла, акъыл сёзню ангыла.
- Агъач халкъгъа алтынды, иссиликге салкъынды.
- Джюз элде джюз ёгюзюм болгъандан эсе, джюз джууугъум болсун.
- Халкъны джырын джырласанг, халкъ санга эжиу этер.
- Сёз сёзню айтдырыр.
- Туз, гырджын аша, тюзлюк бла джаша.
- Арбаз къынгырды да, ийнек сауалмайма.
- Ышармагъан – кюлмез, кюлмеген – къууанчны билмез.
- Тамырсыз терекге таянма – джыгъылырса.
- Иги болса, тамадама – махтау, аман болса, меннге – айыб.
- Ётюрюкню къуйругъу – бир тутум.
- Терслик кетер, тюзлюк джетер.
- Аурууну келиую тынч, кетиую – къыйын.
- Къыз чыгъаргъан – къызыл къымжа.
- Кюн – узун, ёмюр – къысха.
- Юй кюйдю да, кюйюз чыкъды, ортасындан тюйюш чыкъды.
- Уллу сёзде уят джокъ.
- Бети къызарыучу адамны, джюреги харам болмаз.
- Къарын къуру болса, джюрек уру болур.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гитче джилтин уллу элни джандырыр.
- Эринчекни аурууу – кёб.
- Кёб ант этген, кёб ётюрюк айтыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъылсызны джууукъгъа алма, акъыллыны кенгнге салма.
- Ач келгенни – тойдур, кеч келгенни – къондур.
- Хунаны тюбюн къазсанг, юсюнге ауар.
- Сууда джау джокъ, кёб сёзде магъана джокъ.
- Этни да ашады, бетни да ашады.
- Эл тойса, тоймагъан, эл къойса, къоймагъан.
- Джогъун бар этген, барын бал этген.
- Мал тутхан – май джалар.
- Душманны тышы – акъ, ичи – къара.
- Эрине къаргъыш этген къатын, эрнин къабар.
- Къайгъы тюбю – тенгиз.
- Аман къатын алгъан, арыр, иги къатын алгъан джарыр.
- Намысы джокъну – дуниясы джокъ.
- Гугурук къычырмаса да, тангны атары къалмаз.
- Сабий болмагъан джерде, мёлек болмаз.
- Кесине оноу эте билмеген, халкъына да эте билмез.
- Тюз сёз баргъан сууну тыяр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72