- Ариуну – ауруу кёб.
- Айтылгъан сёз ызына къайтмаз.
- Келгинчи, къонакъ уялыр, келгенден сора, къонакъбай уялыр.
- Келлик заман – къартлыкъ келтирир, кетген заман – джашлыкъ ёлтюрюр.
- Тил джюрекге джол ишлейди.
- Керилген да, ургъан кибикди.
- Мал ёлсе, сюек къалыр, адам ёлсе, иши къалыр.
- Бек анасы джыламаз.
- Билим насыб берир, билим джолну керир.
- Уясында не кёрсе, учханында аны этер.
- Урунуу – насыбны анасы.
- Игини сыйлагъан адетди.
- Адеб этмеген, адеб кёрмез.
- Гыдай эчки суугъа къараб, мюйюзле кёрмесе, джашма алкъын, дегенди.
- Акъыллы башны – тили къысха.
- Тиширыусуз юй – отсуз от джагъа.
- Байны оноуу, джарлыгъа джарамаз.
- Окъуу – билимни ачхычы, окъуу – дунияны бачхычы.
- Чабакъ башындан чирийди.
- Бойнуму джети джерден кессенг да, мен ол ишни этеллик тюлме.
- Къонакъ болсанг, ийнакъ бол.
- Алма терегинден кери кетмез.
- Халкъны юйю – туугъан джери.
- Байлыкъ адамны сокъур этер.
- Кесинге джетмегенни, кёб сёлешме.
- Тилсиз миллет джокъ болур.
- Ётген ёмюр – акъгъан суу.
- Юйюнгден чыкъдынг – кюнюнгден чыкъдынг.
- Билмегенинги, билгеннге сор.
- Рысхы – сют юсюнде кёмюк кибикди.
- Сютден ауузу кюйген, суугъа юфгюре эди.
- Тюкюрюк баш джармаз, налат кёз чыгъармаз!
- Джети тилни билген джети кишиди.
- Танг атмайма десе да, кюн къоярыкъ тюйюлдю.
- Эр абынмай, эл танымаз.
- Къонакъ кёб келюучю юйню, къазаны отдан тюшмез.
- Ашхы – джыяр, аман – джояр.
- Ашаса, ашамаса да, бёрюню ауузу – къан.
- Байдан умут эте, джарлыдан ёгюз багъасы къорады.
- Сагъыш – къартлыкъгъа сюйюмчю.
- Ишлегенден, къарагъан уста.
- Соргъан айыб тюлдю, билмеген айыбды.
- Аууздан келген, къолдан келсе, ким да патчах болур эди.
- Акъыл сабырлыкъ берир.
- Джырчы джырчыгъа – къарнаш.
- Джарашыу сюйген – джалынчакъ.
- Адамны бетине къарама, адетине къара.
- Айныгъанлы алты кюн, тогъайгъанлы тогъуз кюн.
- Башсыз урчукъ тюзюне айланмаз.
- Тойну къарнашы – харс, джырны къарнашы – эжиу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72