- Къазанны башы ачыкъ болса, итге уят керекди.
- Тенгни тенглиги джашай барсанг билинир.
- Аманны къуугъан, аманлыкъ табар.
- Эрни эр этерик да, къара джер этерик да, тиширыуду.
- Тюкюрюк баш джармаз, налат кёз чыгъармаз!
- Къайгъыны сюйген, къайгъы табар.
- Соргъан айыб тюлдю, билмеген айыбды.
- Джаханимни кёрмей, джандетге кёл салмазса.
- Ата – баланы уясы.
- Джюрекге ариу – кёзге да ариу.
- Къонакъ кёб келюучю юйню, къазаны отдан тюшмез.
- Тилсиз миллет джокъ болур.
- Ишлегенден, къарагъан уста.
- Джолда аягъынга сакъ бол, ушакъда тилинге сакъ бол.
- Башсыз урчукъ тюзюне айланмаз.
- Нафысынгы айтханын этме, намысынгы айтханын эт.
- Джерни букъусу кёкге къонмаз.
- Аман къатын сабий табса, бий болур…
- Джаш болсун, къыз болсун, акъылы, саны тюз болсун.
- Аш берме да, къаш бер.
- Джуртун къоругъан озар.
- Келинни – келгинчи, бёркню кийгинчи кёр.
- Уллу сёлешме да, уллу къаб.
- Уллу къазанда бишген эт, чий къалмаз.
- Аллахдан тилесенг, кёб тиле.
- Олтуруб кёрюнмей эди да, ёрге туруб кёрюне эди.
- Дуния малгъа сатылма, кесингден телиге къатылма.
- Айранын берсенг, челегин да къызгъанма.
- Кийим тукъум сордурур.
- Тюзлюк тас болмайды.
- Ауузу аманнга «иги», деме.
- Кютгени беш эчки, сызгъыргъаны уа, джерни джарады.
- Кирсизни – саны таза, халалны – къаны таза.
- Биреу ашаб къутулур, биреу джалаб тутулур.
- Башланнган иш битер, къымылдагъан тиш тюшер.
- Агъач – джерни чырайы, кийим – эрни чырайы.
- Ашда – бёрю, ишде – ёлю.
- Джыланны къуйругъундан басарынг келсе, аны башы болгъанын унутма.
- Юреннген ауруу къалмаз.
- Джылкъыдан – ат чыгъар, тукъумдан – джаш чыгъар.
- Къызын тута билмеген, тул этер, джашын тута билмеген, къул этер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Насыб бютеу халкъны юлюшюдю.
- Чабакъгъа акъыл, табагъа тюшсе келеди.
- Джумушакъ терекни къурт ашар.
- Ётюрюкден тюбю джокъ, кёлтюрюрге джиби джокъ.
- Юй ишлеген балта эшикде къалыр.
- Башда акъыл болмаса, эки аякъгъа кюч джетер.
- Ёгюзню мюйюзюнден тутадыла, адамны сёзюнден тутадыла.
- Миллетни бойну – базыкъ, аны бла кюрешген – джазыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72