- Джашлыкъ этмеген, башлыкъ этмез.
- Иги болса, тамадама – махтау, аман болса, меннге – айыб.
- Тёрде – темир таякълы, къаяда – чыпчыкъ аякълы.
- Азыкъ аз болса, эртде орун сал.
- Уруну арты – къуру.
- Ётюрюкден тюбю джокъ, кёлтюрюрге джиби джокъ.
- Суу кетер, таш къалыр.
- Аманны тукъумуна къарама, игини тукъумун сорма.
- Керти сёзге тёре джокъ.
- Айран ичген – къутулду, джугъусун джалагъан – тутулду.
- Акъыл сабырлыкъ берир.
- Хантына кёре тузу, юйюне кёре къызы.
- Юйлю уругъа ит чабмаз.
- Ойнай-ойнай кёз чыгъар.
- Ашхы тенг джолгъа салыр, аман тенг джолдан тайдырыр.
- Джылкъыдан – ат чыгъар, тукъумдан – джаш чыгъар.
- Халкъгъа джарагъан, джарлы къалмаз.
- Сёз садакъдан кючлюдю.
- Эр сокъур болсун, къатын тилсиз болсун.
- Нёгер болсанг, тенг бол, тенг болмасанг, кенг бол.
- Сёз сёзню айтдырыр.
- Акъыллы башны – тили къысха.
- Таякъ этден ётер, тил сюекден ётер.
- Тюкюрюк баш джармаз, налат кёз чыгъармаз!
- Баланы адам этген анады.
- Атынг аманнга чыкъгъандан эсе, джанынг тамагъынгдан чыкъсын.
- Ашхы сёз таш тешер.
- Гырджын – тепсини тамадасы.
- Ариу сёз – джаннга азыкъ, аман сёз – башха къазыкъ.
- Тили узунну, намысы – къысха.
- Тай асырагъан, атха минер.
- Ёлген эшек бёрюден къоркъмайды.
- Бичгенде ашыкъма, тикгенде ашыкъ.
- Байма, деб да, къууанма, джарлыма, деб да, джылама.
- Харам къарнашдан, халал тенг ашхы.
- Телини эшигин, махтау джабар.
- Окъуу – билимни ачхычы, окъуу – дунияны бачхычы.
- Къарт бла баш аша, джаш бла аякъ аша.
- Магъанасыз сёз – тауушсуз сыбызгъы.
- Кёкдеги болмаса, джердегин кёрмейди.
- Джарлыны эшигин махтагъан джабар.
- Нёгерсизни джолу узун.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Сёлеш деб шай берген, тохта деб, сом берген.
- Ашлыкъ – бюртюкден, джюн – тюкден.
- Ёлюр джаннга, ёкюл джокъ.
- Эл бла кёргенинг эрелей.
- Аманны эки битли тону болур, бирин сеннге кийдирир, бирин кеси киер.
- Акъылсызны джууукъгъа алма, акъыллыны кенгнге салма.
- Джюз элде джюз ёгюзюм болгъандан эсе, джюз джууугъум болсун.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72