- Экеу тутушса, биреу джыгъылыр.
- Къоркъакъны кёзю экили кёрюр.
- Джол бла сёзню къыйыры джокъ.
- Ашлыкъны арба юйге келтирир, чана базаргъа элтир.
- Сёз – кюмюш, джыр – алтын.
- Тин – байлыгъынг, терен саулугъунг.
- Уруну арты – къуру.
- Сыфатында болмагъаны, суратында болмаз.
- Къозулугъунда тоймагъан, къойлугъунда тоймаз.
- Къартха ушагъан джаш – акъыллы, джашха ушагъан къарт – тели.
- Эшекни не къадар тюйсенг да, ат болмаз.
- Бёрю да ач къалмасын, эчки да ашалмасын.
- Адам туугъан джеринде, ит тойгъан джеринде.
- Ауурну тюбю бла, дженгилни башы бла джюрюген.
- Уллу къазанда бишген эт, чий къалмаз.
- Мал ёлсе, сюек къалыр, адам ёлсе, иши къалыр.
- Бичгенде ашыкъма, тикгенде ашыкъ.
- Къартны сыйын кёрмеген, къартлыгъында сыйлы болмаз.
- Мени джылытмагъан кюн, меннге тиймесин!
- Башынга джетмегенни сорма.
- Къарын къуру болса, джюрек уру болур.
- Бастасын ашагъан, хантусун да ичер.
- Тура эдим джата, къайдан чыкъды хата?
- Къартны бурнун сюрт да, оноугъа тут.
- Къонагъы джокъну – шоху джокъ.
- Къызын тута билмеген, тул этер, джашын тута билмеген, къул этер.
- Биреуню тёрюнден, кесинги эшик артынг игиди.
- Эринчекни эр алмаз, эр алса да, кёл салмаз, кёл салса да, кёб бармаз!
- Тюзню ётмеги тюзде къалса да, тас болмаз.
- Кюн – узун, ёмюр – къысха.
- Къарт болгъан джерде, берекет болур, сабий болгъан джерде, оюн болур.
- Аджалсыз ёлюм болмаз.
- Кёл ашады да, кеси ашады.
- Бир абыннган – минг сюрюнюр.
- Кюн кёрмеген, кюн кёрсе, кюндюз чыракъ джандырыр.
- Намысы болмагъанны, сыйы болмаз.
- Кийимни бичсенг, кенг бич, тар этген къыйын тюлдю.
- Этек чакъмакълары баш джаргъан, сёлешген сёзлери таш джаргъан.
- Намыс болмагъан джерде, насыб болмаз.
- Кюлме джашха – келир башха.
- Эте билген, этген этеди, эте билмеген, юретген этеди!
- Чакъырылмагъан къонакъ къачан кетерин сормаз.
- Юйюнгден чыкъдынг – кюнюнгден чыкъдынг.
- Аз айтсам, кёб ангылагъыз.
- Эрни эр этерик да, къара джер этерик да, тиширыуду.
- Ач къарынны, токъ билмез
- Адеб джокъда, намыс джокъ.
- Сёз садакъдан кючлюдю.
- Уллу сёлешме да, уллу къаб.
- Сангырау къулакъ эл бузар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72