- Джогъун бар этген, барын бал этген.
- Намыс сатылыб алынмайды.
- Ёлмесенг да, къарт дамы болмазса?
- Адамны бетине къарама, адетине къара.
- Ашыкъгъан cуу, тенгизге джетмез.
- Ариу – кёзге, акъыл – джюрекге.
- Келгинчи, къонакъ уялыр, келгенден сора, къонакъбай уялыр.
- Билим къая тешер.
- Кюлме джашха – келир башха.
- Тойну къарнашы – харс, джырны къарнашы – эжиу.
- Ауругъаннга – кийик саулукъ, джетген къызгъа – чилле джаулукъ.
- Аш кетер да бет къалыр.
- Джарлы джети элни сёзюн этер.
- Ауругъанны сау билмез, ач къарынны токъ билмез.
- Акъыллы – эл иеси, тели – эл баласы.
- Джарлы тюеге минсе да, ит къабар.
- Джарашыу сюйген – джалынчакъ.
- Айтылгъан сёз ызына къайтмаз.
- Артына баргъанны, къатына барма.
- Аман къатын алгъан, арыр, иги къатын алгъан джарыр.
- Тил бла келеди джыр да.
- Кёб джат да, бек чаб.
- Окъуу – билимни ачхычы, окъуу – дунияны бачхычы.
- Ана кёлю – балада, бала кёлю – талада.
- Айран тёгюлсе, джугъусу къалыр.
- Суугъа – таянма, джаугъа – ийнанма.
- Этни бети бла шорпасы.
- Сютден ауузу кюйген, суугъа юфгюре эди.
- Къазанда болса, чолпугъа чыгъар.
- Тыш элде солтан болгъандан эсе, кесинги элде олтан болгъан игиди!
- Ачлыкъ отха секиртир.
- Халкъны джырын джырласанг, халкъ санга эжиу этер.
- Ата Джуртун танымагъан, атасын да танымаз.
- Болджал ишни бёрю ашар.
- Тойгъа барсанг, тоюб бар, эски тонунгу къоюб бар.
- Къарт айтханны этмеген, къартаймаз.
- Айныгъанлы алты кюн, тогъайгъанлы тогъуз кюн.
- Кёб джашагъан – кёб билир.
- Узун джолну барсанг, бюгюн келирсе, къысха джолну барсанг, тамбла келирсе.
- Миллетни бойну – базыкъ, аны бла кюрешген – джазыкъ.
- Аман адамны тепсинге олтуртсанг, къызынгы тилер.
- Джарлы эскисин джамаса, къууаныр.
- Аман хансны – урлугъу кёб.
- Джолунга кёре – джюрюшюнг, джагъанга кёре – юлюшюнг.
- Аман эсирсе, юйюн ояр.
- Биреуге аманлыкъны тилеме да, кесинге ашхылыкъны тиле.
- Эрине къаргъыш этген къатын, эрнин къабар.
- Туз, гырджын аша, тюзлюк бла джаша.
- Аурууну келиую тынч, кетиую – къыйын.
- Кёбден умут этиб, аздан къуру къалма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72