- Окъугъан озар, окъумагъан тозар.
- Билим къая тешер.
- Ёзденликни кёбю ётюрюк.
- Джаш къарыу бла кючлю, къарт акъыл бла кючлю.
- Телиге акъыл салгъандан эсе, ёлгеннге джан салырса.
- Аман къатын сабий табса, бий болур…
- Адеб этмеген, адеб кёрмез.
- Ата Джуртун танымагъан, атасын да танымаз.
- Ата джурт – алтын бешик.
- Юйюнг бла джау болгъандан эсе, элинг бла джау бол.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёб къычыргъандан – къоркъма, тынч олтургъандан – къоркъ.
- Тёгюлген тюгел джыйылмайды.
- Шайтан алдады, тюзлюк къаргъады.
- Ата – баланы уясы.
- Кюлме джашха – келир башха.
- Къоркъакъны кёзю экили кёрюр.
- Нарт сёз къарт болмаз.
- Мухардан ач ычхынмаз.
- Къатыны харакетли болса, эри къымсыз болур.
- Адамны джюреги нени кёрюрге сюйсе, кёзю да аны кёрюрге ёч болады.
- Алим болгъандан эсе, адам болгъан къыйынды.
- Кимни – тили, тиши онглу, кимни – къолу, иши онглу.
- Келгинчи, къонакъ уялыр, келгенден сора, къонакъбай уялыр.
- Кёз – сюйген джерде, къол – ауругъан джерде.
- Келинин тута билмеген, къул этер, къызын тута билмеген, тул этер.
- Аш иеси бла татлыды.
- Эки къатын алгъанны къулагъы тынгнгаймаз.
- Тёрдеги кюлсе, эшикдеги ышарыр.
- Сибиртки да сыйлы болду, кюрек да кюнлю болду.
- Душманны тышы – акъ, ичи – къара.
- Эринчекге кюн узун.
- Садакъачыны джаны – къапчыгъында.
- Эрни эр этерик да, къара джер этерик да, тиширыуду.
- Ёпкелегенни ашы татлы болады.
- Айраннга суу къош, телиге джол бош.
- Тил – кесген бычакъ, сёз – атылгъан окъ.
- Гугук кесини атын айтыб къычыргъанча, мен, мен деб нек тураса?
- Айырылмаз джууугъунга, унутмаз сёзню айтма.
- Ана кёлю – балада, бала кёлю – талада.
- Акъыл сабырлыкъ берир.
- Чабакъ башындан чирийди.
- Агъач халкъгъа алтынды, иссиликге салкъынды.
- Кёб джат да, бек чаб.
- Тойгъанлыкъ къойгъа джарашады.
- Келинни – келгинчи, бёркню кийгинчи кёр.
- Къарнынг ауруса, ауузунгу тый
- Атадан ёксюз – бир ёксюз, анадан ёксюз – эки ёксюз.
- Ашда – бёрю, ишде – ёлю.
- Чыбыкълыкъда бюгюлмеген, къазыкълыкъда бюгюлмей эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72