- Аман киши кеси юйюнде – къонакъ.
- Къонакъ болсанг, ийнакъ бол.
- Акъыл къартда, джашда тюйюлдю – башдады.
- Чомартха Тейри да борчлуду.
- Мухар, кеси тойса да, кёзю тоймаз.
- Къралынгы – душмандан, башынгы от бла суудан сакъла.
- Ёлмесенг да, къарт дамы болмазса?
- Биреуню къыйынлыгъы бла кесинге джол ишлеме.
- Сабийликде юретмесенг, уллу болса – тюзелмез.
- Джылыгъа джылан илешир.
- Къонакъ аман болса, къонакъбай джунчур
- Чакъырылмагъан къонакъ тёрге атламаз.
- Игилик игилик бла сингдирилиучю затды.
- Сагъышы джокъ – джукъучу, акъылы джокъ – къаугъачы.
- Чабакъ башындан чирийди.
- Къонакъ аз олтурур, кёб сынар.
- Къолунгдан къуймакъ ашатсанг да, атаны борчундан къутулмазса.
- Мал ёлсе, сюек къалыр, адам ёлсе, иши къалыр.
- Тойгъан джерге джети къайт.
- Хар сёзню орну барды.
- Аман адам этегингден тутса, кес да къач.
- Байдан умут эте, джарлыдан ёгюз багъасы къорады.
- Башынга джетмегенни сорма.
- Къарт болгъан джерде, берекет болур, сабий болгъан джерде, оюн болур.
- Кюн – узун, ёмюр – къысха.
- Тешигини къатында, чычхан да батыр болур.
- Аууздан келген, къолдан келсе, ким да патчах болур эди.
- Чомарт къонакъ юй иесин сыйлар.
- Сескекли кесин билдирир.
- Эл бла кёргенинг эрелей.
- Ауузу аманнга «иги», деме.
- Тенги кёбню джау алмаз, акъылы кёбню дау алмаз.
- Бойнуму джети джерден кессенг да, мен ол ишни этеллик тюлме.
- Байлыкъ келсе, акъыл кетер.
- Сёлеш деб шай берген, тохта деб, сом берген.
- Аууз сакълагъан – джан сакълар.
- Ёлген эшек бёрюден къоркъмайды.
- Къарнынг ауруса, ауузунгу тый
- Ариу джол аджал келтирмез.
- Тилчи бир сагъатха айлыкъ хата этер.
- Атадан ёксюз – бир ёксюз, анадан ёксюз – эки ёксюз.
- Гитче джилтин уллу элни джандырыр.
- Шапа кёб болса, аш татымсыз болур.
- Джашны джигитлиги сорулур, къызны джигерлиги сорулур.
- Сибиртки да сыйлы болду, кюрек да кюнлю болду.
- Адеби болмагъан къыз – тузсуз хант.
- Эртде тургъан бла эртде юйленнген сокъуранмаз.
- Тойчу джашха къарама, къойчу джашха къара.
- Бёрю да ач къалмасын, эчки да ашалмасын.
- Сёз сёзню айтдырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72