- Ачылгъан эт джабылыр, кёрген кёз унутмаз.
- Къайтырыкъ эшигинги, къаты уруб чыкъма.
- Рысхы – сют юсюнде кёмюк кибикди.
- Иги джашны ышаны – аз сёлешиб, кёб тынгылар.
- Ханы къызы буюгъа-буюгъа киштик болду.
- Аш хазыр болса, иш харам болур.
- Тилсиз миллет джокъ болур.
- Сагъыш – къартлыкъгъа сюйюмчю.
- Баланы адам этген анады.
- Джиби бир къат джетмей эди да, эки къат тарта эди.
- Эртде тургъан джылкъычыны эркек аты тай табар.
- Джуртун къоругъан озар.
- Адам туугъан джеринде, ит тойгъан джеринде.
- Байма, деб да, къууанма, джарлыма, деб да, джылама.
- Ичимден чыкъды хата, къайры барайым сата?
- Биреуге аманлыкъны тилеме да, кесинге ашхылыкъны тиле.
- Сёз садакъдан кючлюдю.
- Aдам боллукъ, сыфатындан белгили.
- Бетинги сатма, малынгы сат.
- Мухарны эси – ашарыкъда.
- Кёлю джокъну – джолу джокъ.
- Алтыда кюлмеген, алтмышда кюлмез.
- Ат да турмайды бир териде.
- Тенги кёбню джау алмаз, акъылы кёбню дау алмаз.
- Эм уллу байлыкъ – джан саулукъ.
- Тил – миллетни джаны.
- Тойгъандан сора, ашны сёкме.
- Ашлыкъ – бюртюкден, джюн – тюкден.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Нёгер болсанг, тенг бол, тенг болмасанг, кенг бол.
- Нёгерсизни джолу узун.
- Кёлсюзден сёзсюз тууар.
- Ашыкъгъан cуу, тенгизге джетмез.
- Къонагъынгы артмагъын алма да, алгъышын ал.
- Этек чакъмакълары баш джаргъан, сёлешген сёзлери таш джаргъан.
- Атынг аманнга чыкъгъандан эсе, джанынг тамагъынгдан чыкъсын.
- Джашлыкъ этмеген, башлыкъ этмез.
- Адеб джокъда, намыс джокъ.
- Тик ёргени, тик энгишгеси да болады.
- Джан саулукъ бермей, сан саулукъ бермезсе.
- Къызгъанчдан ычхыныр, мухардан ычхынмаз.
- Ётюрюкню башын керти кесер.
- Ётюрюкню къуйругъу – бир тутум.
- Накъырданы арты керти болур.
- Кимни – тили, тиши онглу, кимни – къолу, иши онглу.
- Эринчекге кюн узун.
- Ариу сёз – джаннга азыкъ, аман сёз – башха къазыкъ.
- Келлик заман – къартлыкъ келтирир, кетген заман – джашлыкъ ёлтюрюр.
- Уруну арты – къуру.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72