- Терслик кетер, тюзлюк джетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Къарнынг бла ёч алма.
- Чомартха хар кюн да байрамды.
- Къазанда болса, чолпугъа чыгъар.
- Къазанчы аман болса, къазаны къайнамаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къая джолда джортма, ачыкъ сёзден къоркъма.
- Кирсизни – саны таза, халалны – къаны таза.
- Кёбден умут этиб, аздан къуру къалма.
- Ата Джуртча джер болмаз, туугъан элча эл болмаз.
- Билеги кючлю, бирни джыгъар, билими кючлю, мингни джыгъар.
- Джукъу тёшек сайламайды.
- Келлик заман – къартлыкъ келтирир, кетген заман – джашлыкъ ёлтюрюр.
- Билим ат болуб да чабар, къуш болуб да учар.
- Ачыкъ джюрекге джол – ачыкъ.
- Хоншуну тауугъу къаз кёрюнюр, келини къыз кёрюнюр.
- Урунуу – насыбны анасы.
- Баргъанынга кёре болур келгенинг.
- Ойнай билмеген, оюн бузар.
- Тура эдим джата, къайдан чыкъды хата?
- Этек чакъмакълары баш джаргъан, сёлешген сёзлери таш джаргъан.
- Игиге айтсанг – билир, аманнга айтсанг – кюлюр.
- Ашха уста, юйюнде болсун
- Бозаны арты дауур болур.
- Джаз бир кюнню джатсанг, къыш талай кюнню абынырса.
- Сакъ юйюне сау барыр.
- Ишленмеклик адамлыкъды.
- Кёбге таш атма.
- Байлыкъ келсе, акъыл кетер.
- Соргъан айыб тюлдю, билмеген айыбды.
- Кёб ант этген, кёб ётюрюк айтыр.
- Ач отунчуну ачыуу – бурнунда.
- Аз айтсам, кёб ангылагъыз.
- Урама да – ёледи, сатама да – келеди.
- Ичимден чыкъды хата, къайры барайым сата?
- Билмейме деген – бир сёз
- Адам сёзге тынгыла, акъыл сёзню ангыла.
- Иги адам абынса да, джангылмаз.
- Къыз тиширыу кеси юйюнде да къонакъды.
- Рысхысына кёре, джаш ёсер, къышлыгъына кёре, мал ёсер.
- Ауузу бла къуш тута айланады.
- Тёзгеннге, джабылгъан эшик ачылыр.
- Рысхы – насыбха къор.
- Шайтан алдады, тюзлюк къаргъады.
- Аджашхан тёгерек айланыр.
- Джаным-тиним – окъуу, билим.
- Адамны сыфатына къарама, сёзюне къара.
- Кёб къычыргъандан – къоркъма, тынч олтургъандан – къоркъ.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72