- Сёз садакъдан кючлюдю.
- Тёрдеги кюлсе, эшикдеги ышарыр.
- Окъ къызбайны джокълайды.
- Къолунгдан къуймакъ ашатсанг да, атаны борчундан къутулмазса.
- Тойчу джашха къарама, къойчу джашха къара.
- Сёз сёзню айтдырыр.
- Кёзден кетген, кёлден да кетеди.
- Тилде сюек болмаса да, сюек сындырыр.
- Юре билмеген ит, къонакъ келтирир.
- Накъырда – кертини келечиси.
- Адеби болмагъан къыз – тузсуз хант.
- Садакъачыны джаны – къапчыгъында.
- Ашда уялгъан – мухар, ишде уялгъан – хомух.
- Эте билген, этген этеди, эте билмеген, юретген этеди!
- Эрине къаргъыш этген къатын, эрнин къабар.
- Эринчекни эр алмаз, эр алса да, кёл салмаз, кёл салса да, кёб бармаз!
- Агъач халкъгъа алтынды, иссиликге салкъынды.
- Къарнынг бла ёч алма.
- Ана – юйню кюн джарыгъы.
- Ичимден чыкъды хата, къайры барайым сата?
- Элге къуллукъ этмеген, элге ие болмаз.
- Тойгъанлыкъ къойгъа джарашады.
- Тил – кесген бычакъ, сёз – атылгъан окъ.
- Иги сёз – джаннга азыкъ, аман сёз башха – къазыкъ.
- Ёгюзню мюйюзлери ауурлукъ этмейдиле.
- Ёмюрлюк шохлукъну джел элтмез.
- Тюзлюк шохлукъну бегитир.
- Ётюрюкчюню шагъаты – къатында.
- Тёрде – темир таякълы, къаяда – чыпчыкъ аякълы.
- Нарт сёз къарт болмаз.
- Сёлеш деб шай берген, тохта деб, сом берген.
- Эки итни арасына сюек атма, эки адамны арасында сёз чыгъарма.
- Биреуню тёрюнден, кесинги эшик артынг игиди.
- Ёлюк кебинсиз къалмаз.
- Ашхы тенг джолгъа салыр, аман тенг джолдан тайдырыр.
- Кесине гебен этелмеген, биреуге черен эте эди.
- Таякъ этден ётер, тил сюекден ётер.
- Чыбыкълыкъда бюгюлмеген, къазыкълыкъда бюгюлмей эди.
- Адамны аты башхача, акъылы да башхады.
- Кёб къычыргъандан – къоркъма, тынч олтургъандан – къоркъ.
- Ариу джол аджал келтирмез.
- Ариу сёз джыланны орнундан чыгъарыр.
- Бети къызарыучу адамны, джюреги харам болмаз.
- Ашхы атаны – джашы ашхы, ашхы ананы – къызы ашхы.
- Ачлыкъда тары гырджын халыуадан татлы.
- Ёксюзню къалачы уллу кёрюнюр.
- Билими азны – ауузунда кирит.
- Юйюнг бла джау болгъандан эсе, элинг бла джау бол.
- Этни да ашады, бетни да ашады.
- Джыгъылгъанны сырты джерден тоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72