- Сууда джау джокъ, кёб сёзде магъана джокъ.
- Кёл ашады да, кеси ашады.
- Ишни ахырын ойламай, аллын башлама.
- Айран тёгюлсе, джугъусу къалыр.
- Адебни адебсизден юрен.
- Бет бетге къараса, бет да джерге къарар.
- Билим – акъылны чырагъы.
- Соргъан айыб тюлдю, билмеген айыбды.
- Ана къойну – балагъа джандет.
- Бозаны арты дауур болур.
- Къонакъны къачан кетерин сорма, къачан келлигин сор.
- Ач къарным, тынч къулагъым.
- Бир онгсуз адам адет чыгъарды, деб эштирик тюлсе.
- Аманны тукъумуна къарама, игини тукъумун сорма.
- Кёлсюзден сёзсюз тууар.
- Ханнга да келеди хариблик.
- Ачлыкъ отха секиртир.
- Хантына кёре тузу, юйюне кёре къызы.
- Таш бла ургъанны, аш бла ур.
- Кийим тукъум сордурур.
- Атлыны кёрсе, джаяуну буту талыр.
- Ёмюрлюк шохлукъну джел элтмез.
- Атынг аманнга чыкъгъандан эсе, джанынг тамагъынгдан чыкъсын.
- Ачылгъан эт джабылыр, кёрген кёз унутмаз.
- Аз айтсам, кёб ангылагъыз.
- Олтуруб кёрюнмей эди да, ёрге туруб кёрюне эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джыланны къуйругъундан басарынг келсе, аны башы болгъанын унутма.
- Айтылгъан сёз ызына къайтмаз.
- Кеси юйюмде мен да ханма.
- Бетинги сатма, малынгы сат.
- Кёзден кетген, кёлден да кетеди.
- Юреннген ауруу къалмаз.
- Кенгеш болса, уруш болмаз.
- Акъыллы эркиши атын махтар, акъылсыз эркиши къатынын махтар.
- Таукел къуру къалмаз.
- Арпа, будай – ащды, алтын, кюмюш а – ташды.
- Джумушакъ терекни къурт ашар.
- Къолунгдан къуймакъ ашатсанг да, атаны борчундан къутулмазса.
- Телини эшигин, махтау джабар.
- Ишленмеклик адамлыкъды.
- Этни бети бла шорпасы.
- Чакъырылгъанны аты, чакъырылмагъанны багъасы болур.
- Аманнга да, игиге да оноусуз къатышма.
- Джылыгъа джылан илешир.
- Кесинге джетмегенни, кёб сёлешме.
- Шайтан алдады, тюзлюк къаргъады.
- Аджалсыз ёлюм болмаз.
- Алтыда кюлмеген, алтмышда кюлмез.
- Сагъышы джокъ – джукъучу, акъылы джокъ – къаугъачы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72