- Тёзген – тёш ашар!
- Нафысынгы айтханын этме, намысынгы айтханын эт.
- Ачыу алгъа келсе, акъыл артха къалады.
- Баргъанынга кёре болур келгенинг.
- Байдан умут эте, джарлыдан ёгюз багъасы къорады.
- Адамны джюреги нени кёрюрге сюйсе, кёзю да аны кёрюрге ёч болады.
- Мухар, кеси тойса да, кёзю тоймаз.
- Хантына кёре тузу, юйюне кёре къызы.
- Кёпюр салгъан кеси ётер, уру къазгъан кеси кетер.
- Болджал ишни бёрю ашар.
- Джыйырма къойну юч джыйырма эбзе кюте эди.
- Тюкюрюк баш джармаз, налат кёз чыгъармаз!
- Байлыкъдан саулукъ ашхыды.
- Эски джаугъа ышанма.
- Джаханимни кёрмей, джандетге кёл салмазса.
- Къазанны башы ачыкъ болса, итге уят керекди.
- Экеу тутушса, биреу джыгъылыр.
- Босагъа таш юйге кирмей эди, тыбыр таш эшикге чыкъмай эди.
- Сормай – алма, чакъырылмай – барма.
- Сангырау къулакъ эл бузар.
- Азыкъ аз болса, эртде орун сал.
- Кёл – къызбай, къол – батыр.
- Кёзню ачылгъаны – иги, ауузну джабылгъаны – иги.
- Ишин билген, аны сыйын чыгъарады.
- Къуру гыбыт бек дыгъырдар.
- Кесине оноу эте билмеген, халкъына да эте билмез.
- Кечеси – аяз, кюню – къыш, джарлы къаргъагъа бир аш тюш!
- Арпа, будай – ащды, алтын, кюмюш а – ташды.
- Эри аманны, къатыны – аман.
- Ётюрюкчюню шагъаты – къатында.
- Иги сеники эсе да, сюйген кесимикин этеме.
- Юйлю уругъа ит чабмаз.
- Тил – миллетни джаны.
- Ишни аллы бла къууанма да, арты бла къууан.
- Адамны аты башхача, акъылы да башхады.
- Экеулен сёлеше тура эселе, орталарына барыб кирме.
- Тынгылагъан тынгы бузар.
- Аллахдан тилесенг, кёб тиле.
- Ариу – кёзге, акъыл – джюрекге.
- Ашхы болсанг, атынг чыгъар, аман болсанг, джанынг чыгъар.
- Ишленмеклик адамлыкъды.
- Таула не мийик болсала да, аууш табылыр.
- Нёгер болсанг, тенг бол, тенг болмасанг, кенг бол.
- Азыгъы аз, алгъа къабар, аты аман, алгъа чабар.
- Терек ауса, отунчу – кёб.
- Ариу сёз джыланны орнундан чыгъарыр.
- Биреуге аманлыкъ этиб, кесинге игилик табмазса.
- Юйюнгден чыкъдынг – кюнюнгден чыкъдынг.
- Кийим тукъум сордурур.
- Эм ашхы къайын ана мамукъ бла башынгы тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72