- Кёз – сюйген джерде, къол – ауругъан джерде.
- Сёз садакъдан кючлюдю.
- Малны кют, джерни тюрт.
- Эки къатын алгъанны къулагъы тынгнгаймаз.
- Ойнай билмеген, уруб къачар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эшекни не къадар тюйсенг да, ат болмаз.
- Къаллай салам берсенг, аллай джууаб алырса.
- Суу да къайтады чыкъгъан джерине.
- Шапа кёб болса, аш татымсыз болур.
- Аджашхан тёгерек айланыр.
- Башынга джетмегенни сорма.
- Тойгъанлыкъ къойгъа джарашады.
- Гыдай эчки суугъа къараб, мюйюзле кёрмесе, джашма алкъын, дегенди.
- Сабыр джетер муратха, сабырсыз къалыр уятха.
- Алма терегинден кери кетмез.
- Минг тенг да азды, бир джау да кёбдю.
- Арбаз къынгырды да, ийнек сауалмайма.
- Кёбден умут этиб, аздан къуру къалма.
- Акъыллы башны – тили къысха.
- Ариу сёз – джаннга азыкъ, аман сёз – башха къазыкъ.
- Билмезни кёзю кёрмез, этмезни къулагъы эшитмез.
- Джаралыны джастыгъында сау ёлюр.
- Чёбню кёлтюрсенг, тюбюнден сёз чыгъар.
- Окъуу – билимни ачхычы, окъуу – дунияны бачхычы.
- Керек ташны ауурлугъу джокъ.
- Кеси юйюмде мен да ханма.
- Эртде тургъан джылкъычыны эркек аты тай табар.
- Джарлы джети элни сёзюн этер.
- Эркиши – от, тиширыу – суу.
- Уллу сёзде уят джокъ.
- Сабийни джумушха джибер да, ызындан бар.
- Джарлыны тону джаз битер.
- Башы ишлегенни, ауузу да ишлер.
- Кёлю джокъну – джолу джокъ.
- Тели турса – той бузар.
- «Ёгюз, джаргъа джууукъ барма, меннге джюк боллукъса», - дегенди эшек.
- Насыб бютеу халкъны юлюшюдю.
- Чакъырылмагъан къонакъ тёрге атламаз.
- Чомарт къонакъ юй иесин сыйлар.
- Ашхы болсанг, атынг чыгъар, аман болсанг, джанынг чыгъар.
- Бети бедерден, намыс сакълама.
- Окъуусуз билим – джокъ, билимсиз кюнюнг – джокъ.
- Элге къуллукъ этмеген, элге ие болмаз.
- Кюн кёрмеген, кюн кёрсе, кюндюз чыракъ джандырыр.
- Уллу атлама – абынырса, уллу къабма – къарылырса.
- Джахил болса анасы, не билликди баласы?
- Кюл тюбюндеги от кёрюнмейди.
- Бети – къучакълар, джюреги – бычакълар.
- Дууулдаса – бал чибин, къонса – къара чибин.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72