- Арба аугъандан сора, джол кёргюзтюучю кёб болур.
- Терек ауса, отунчу – кёб.
- Босагъагъа джууукъ орун болса, ашыгъыб тёрге озма.
- Адеб этмеген, адеб кёрмез.
- Эри аманны, къатыны – аман.
- Эл ауузу – элия.
- Ёзденликни кёбю ётюрюк.
- Кёзден кетген, кёлден да кетеди.
- Ишлегенден, къарагъан уста.
- Келгинчи, къонакъ уялыр, келгенден сора, къонакъбай уялыр.
- Къанны къан бла джуума, аманны аман бла къуума.
- Эринчекни эр алмаз, эр алса да, кёл салмаз, кёл салса да, кёб бармаз!
- Сакъалы текени да бар, мыйыгъы киштикни да бар.
- Уллу суу бла уллу ауруудан башынгы сакъла.
- Кёкдеги болмаса, джердегин кёрмейди.
- Билим ат болуб да чабар, къуш болуб да учар.
- Акъдан къара болмаз.
- Тенги кёбню джау алмаз, акъылы кёбню дау алмаз.
- Ёксюзню къалачы уллу кёрюнюр.
- Ичимден чыкъды хата, къайры барайым сата?
- Адамны джюреги нени кёрюрге сюйсе, кёзю да аны кёрюрге ёч болады.
- Суу да къайтады чыкъгъан джерине.
- Иги бла джюрюсенг, джетерсе муратынга, аман бла джюрюсенг, къалырса уятха.
- Шайтан алдады, тюзлюк къаргъады.
- Ашхы адам – халкъ байлыгъы, ашхы джер – джашау байлыгъы.
- Акъыл бла адеб эгизледиле.
- Къарнынг ауруса, ауузунгу тый
- Кёл – къызбай, къол – батыр.
- Баргъанынга кёре болур келгенинг.
- Азыгъы аз, алгъа къабар, аты аман, алгъа чабар.
- Сагъыш – къартлыкъгъа сюйюмчю.
- Оюмсуз атлагъан, аджалсыз ёлюр.
- Къонакъ аз олтурур, кёб сынар.
- Тау башында, тау болмаз, джангыз терек, бау болмаз.
- Чакъырылмагъан джерге барма, чакъырылгъан джерден къалма.
- Тыш элде солтан болгъандан эсе, кесинги элде олтан болгъан игиди!
- Эки къатын алгъанны къулагъы тынгнгаймаз.
- Тилде сюек болмаса да, сюек сындырыр.
- Билимли ёлмез, билимсиз кёрмез.
- Ата джурт – алтын бешик.
- Къарыусузгъа кюлме, онгсузгъа тийме.
- Сютден ауузу кюйген, суугъа юфгюре эди.
- Этни бети бла шорпасы.
- Ишни ахырын ойламай, аллын башлама.
- Ёпкелегенни ашы татлы болады.
- Ач къалгъандан, кеч къалгъан къолай.
- Ата – баланы уясы.
- Ойнай билмеген, оюн бузар.
- Насыблы элин сюер, насыбсыз кесин сюер.
- Къонакъ кёб келюучю юйню, къазаны отдан тюшмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72