- Сибиртки да сыйлы болду, кюрек да кюнлю болду.
- Къошда джокъгъа – юлюш джокъ.
- Сабий кёргенин унутмаз.
- Къумурсхала джыйылсала, пилни да джыгъадыла.
- Хоншуну тауугъу къаз кёрюнюр, келини къыз кёрюнюр.
- Джумушакъ сёз къаты таякъны сындырыр.
- Азыкълы ат арымаз, къатыны аман джарымаз.
- Тойгъан джерден туугъан джер игиди.
- Адамны аты башхача, акъылы да башхады.
- Чомартха Тейри да борчлуду.
- Терслик кетер, тюзлюк джетер.
- Аман эсирсе, юйюн ояр.
- Сёз – кюмюш, джыр – алтын.
- Арпа, будай – ащды, алтын, кюмюш а – ташды.
- Кёб къычыргъандан – къоркъма, тынч олтургъандан – къоркъ.
- Билмейме деген – бир сёз
- Аууздан келген, къолдан келсе, ким да патчах болур эди.
- Орундукъ тюбюнде атылсам да, орта джиликме, де да айлан.
- Таякъ этден ётер, тил сюекден ётер.
- Къонакъ кёб келюучю юйню, къазаны отдан тюшмез.
- Халкъны джырын джырласанг, халкъ санга эжиу этер.
- Акъылсызны джууукъгъа алма, акъыллыны кенгнге салма.
- Кимни – тили, тиши онглу, кимни – къолу, иши онглу.
- Билмегенинги, билгеннге сор.
- Тойгъан антын унутур.
- Шекер бла туз – бир болмаз, ушамагъан – юй болмаз.
- Ёлген эшек бёрюден къоркъмайды.
- Кютгени беш эчки, сызгъыргъаны уа, джерни джарады.
- Эски джаугъа ышанма.
- Джюрекден джюрекге джол барды.
- Ашына кёре табагъы, балына кёре къалагъы.
- Аманны эки битли тону болур, бирин сеннге кийдирир, бирин кеси киер.
- Керти сёзге тёре джокъ.
- Миллетни бойну – базыкъ, аны бла кюрешген – джазыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Ойнай билмеген, уруб къачар.
- Ач отунчуну ачыуу – бурнунда.
- Бир онгсуз адам адет чыгъарды, деб эштирик тюлсе.
- Келинни – келгинчи, бёркню кийгинчи кёр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Таукел къуру къалмаз.
- Ургъан суудан башынгы сакъла.
- Ач да бол, токъ да бол – намысынга бек бол.
- Накъырда – кертини келечиси.
- Эринчекни эр алмаз, эр алса да, кёл салмаз, кёл салса да, кёб бармаз!
- Алгъанда – джууукъ, бергенде – джау.
- Къарнынг къанлынга кийирир.
- Экеулен сёлеше тура эселе, орталарына барыб кирме.
- Ачыу алгъа келсе, акъыл артха къалады.
- Байма, деб да, къууанма, джарлыма, деб да, джылама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72