- Алма терегинден кери кетмез.
- Хар ишни да аллы къыйынды.
- Абынмазлыкъ аякъ джокъ, джангылмазлыкъ джаякъ джокъ.
- Байлыкъ келсе, акъыл кетер.
- Акъыл сабырлыкъ берир.
- Тёрени джагъы джокъ.
- Айтхан – тынч, этген – къыйын.
- Эте билген, этген этеди, эте билмеген, юретген этеди!
- Иги болса, тамадама – махтау, аман болса, меннге – айыб.
- Чыбыкълыкъда бюгюлмеген, къазыкълыкъда бюгюлмей эди.
- Чабакъсыз кёлге къармакъ салгъанлыкъгъа, чабакъ тутмазса.
- Ойнай-ойнай кёз чыгъар.
- Эли джокъну – кёлю джокъ.
- Юйлю уругъа ит чабмаз.
- Алгъанда – джууукъ, бергенде – джау.
- Аякъларынгы джууургъанынга кёре узат.
- Бир онгсуз адам адет чыгъарды, деб эштирик тюлсе.
- Билимсиз иш бармаз.
- Накъырда – кертини келечиси.
- Джюрекге ариу – кёзге да ариу.
- Мен да «сен», дейме, сен да «кесим», дейсе.
- Ач къарным, тынч къулагъым.
- Ата Джуртун танымагъан, атасын да танымаз.
- Къонакъны къачан кетерин сорма, къачан келлигин сор.
- Ауузу бла къуш тута айланады.
- Аманнга да, игиге да оноусуз къатышма.
- Чоюнну башы ачыкъ болса, итге уят керекди.
- Джашлыкъ этмеген, башлыкъ этмез.
- Мал ёлсе, сюек къалыр, адам ёлсе, иши къалыр.
- Билмейме деген – бир сёз
- Эки элинги тыйсанг, джети элде махталырса.
- Телиге акъыл салгъандан эсе, ёлгеннге джан салырса.
- Тюзлюк шохлукъну бегитир.
- Ат басханны джер билед.
- Джарлы джети элни сёзюн этер.
- Кийиминг бла танылма, адамлыкъ бла таныл.
- Тин – байлыгъынг, терен саулугъунг.
- Сёз сёзню айтдырыр.
- Уллу суу бла уллу ауруудан башынгы сакъла.
- Ана – юйню кюн джарыгъы.
- Тилчиден кери бол.
- Билимли ёлмез, билимсиз кёрмез.
- Хоншуну тауугъу къаз кёрюнюр, келини къыз кёрюнюр.
- Чомартха хар кюн да байрамды.
- Келлик заман – къартлыкъ келтирир, кетген заман – джашлыкъ ёлтюрюр.
- Байлыкъ адамны сокъур этер.
- Биреуню къыйынлыгъы бла кесинге джол ишлеме.
- Айран тёгюлсе, джугъусу къалыр.
- Ишни аллы бла къууанма да, арты бла къууан.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72