- Ачлыкъ отха секиртир.
- Суугъа – чабакъ, къаягъа – ыргъакъ.
- Ариу – кёзге, акъыл – джюрекге.
- Билимсиз иш бармаз.
- Суу кетер, таш къалыр.
- Тюзлюк шохлукъну бегитир.
- Эркишиге тары кебек танг кёрюнюр.
- Иги джашны ышаны – аз сёлешиб, кёб тынгылар.
- Сыфатында болмагъаны, суратында болмаз.
- Кёб ант этген, кёб ётюрюк айтыр.
- Кийимни бир кюнню аясанг, минг кюннге джарар.
- Къонагъы джокъну – шоху джокъ.
- Эл ауузу – элек, анга ийнаннган – халек.
- Биреуню эскиси биреуге джангы болмайды.
- Къартха ушагъан джаш – акъыллы, джашха ушагъан къарт – тели.
- Ач къарынны, токъ билмез
- Кёб джашагъан – кёб билир.
- Къызбайны юйюне дери сюрсенг, батыр болур.
- Ёзденликни джайгъан – джокълукъ.
- Нарт сёз къарт болмаз.
- Къаллай салам берсенг, аллай джууаб алырса.
- Шекер бла туз – бир болмаз, ушамагъан – юй болмаз.
- Ашхы – джыяр, аман – джояр.
- Хунаны тюбюн къазсанг, юсюнге ауар.
- Джаханимни кёрмей, джандетге кёл салмазса.
- Бойнуму джети джерден кессенг да, мен ол ишни этеллик тюлме.
- Аллахдан тилесенг, кёб тиле.
- Чомартны къолун джокълукъ байлар.
- Накъырданы арты керти болур.
- Биреуге аманлыкъ этиб, кесинге игилик табмазса.
- Кёз – сюйген джерде, къол – ауругъан джерде.
- Бетинги сатма, малынгы сат.
- Кесинг сынамагъан затны, адамгъа буюрма.
- Айырылгъанланы айю ашар, бёлюннгенлени бёрю ашар.
- Хар сёзню орну барды.
- Адам сёзге тынгыла, акъыл сёзню ангыла.
- Кёб джат да, бек чаб.
- Айран ичген – къутулду, джугъусун джалагъан – тутулду.
- Билмезни кёзю кёрмез, этмезни къулагъы эшитмез.
- Ёнгкюч къууана барыр, джылай келир.
- Босагъагъа джууукъ орун болса, ашыгъыб тёрге озма.
- Джюз элде джюз ёгюзюм болгъандан эсе, джюз джууугъум болсун.
- Сабыр джетер муратха, сабырсыз къалыр уятха.
- Келинни – келгинчи, бёркню кийгинчи кёр.
- Ат басханны джер билед.
- Билмейме деген – бир сёз
- Чомарт къолда мал къалмаз.
- Алим болгъандан эсе, адам болгъан къыйынды.
- Тюз сёз баргъан сууну тыяр.
- Эринчекни аурууу – кёб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72