Эльбрусоид :: Форум :: Архив форумов

Адамны аты башхача, акъылы да башхады.
Мухардан ач ычхынмаз.
Ат да турмайды бир териде.
Джашда акъыл джокъ, къартда къарыу джокъ.
Бети бедерден, намыс сакълама.
Джарлыны тону джаз битер.
Билим насыб берир, билим джолну керир.
Хантына кёре тузу, юйюне кёре къызы.
Юреннген ауруу къалмаз.
Азыкъ аз болса, эртде орун сал.
Ана къолу ачытмаз.
Этек чакъмакълары баш джаргъан, сёлешген сёзлери таш джаргъан.
Тулпарлыкъ, билекден тюл – джюрекден.
Ач, тоймам, дейди, тойгъан, ач болмам, дейди.
Къулакъдан эсе, кёзге ышан.
Эринчекге кюн узун.
Керти сёзге тёре джокъ.
Кёл – къызбай, къол – батыр.
Хар адамгъа кеси миннген тау кибик.
Ашхы адам – халкъ байлыгъы, ашхы джер – джашау байлыгъы.
Адамны джюреги нени кёрюрге сюйсе, кёзю да аны кёрюрге ёч болады.
Аджашхан тёгерек айланыр.
«Ма», - дегенни билмесенг, «бер», - дегенни билмезсе.
Иги сёз – джаннга азыкъ, аман сёз башха – къазыкъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Татлы тилде – сёз ариу, чемер къолда – иш ариу.
Онгсузну – джакъла, тенгликни – сакъла.
Къазанчы аман болса, къазаны къайнамаз.
Бет бетге къараса, бет да джерге къарар.
Аурууну келиую тынч, кетиую – къыйын.
Тюзлюк шохлукъну бегитир.
Тойгъандан сора, ашны сёкме.
Хар сёзню орну барды.
Намысы джокъну – дуниясы джокъ.
Къонакъ кёб келюучю юйню, къазаны отдан тюшмез.
Уллу къашыкъ эрин джыртар.
Байлыкъдан саулукъ ашхыды.
Айран тёгюлсе, джугъусу къалыр.
Окъугъанны бети джарыкъ.
Тилчиден кери бол.
Махтаннган къыз, тойда джукълар.
Къарыусузгъа кюлме, онгсузгъа тийме.
Мал тутхан – май джалар.
Окъуу – билимни ачхычы, окъуу – дунияны бачхычы.
Джылкъыдан – ат чыгъар, тукъумдан – джаш чыгъар.
Юй ишлеген балта эшикде къалыр.
Джарлы тюеге минсе да, ит къабар.
Ётюрюк хапар аякъ тюбю бла джюрюйдю.
Юй кюйдю да, кюйюз чыкъды, ортасындан тюйюш чыкъды.
Айтхан сёзюне табылгъан.

Логин:
Пароль:
	Запомнить меня на этом компьютере

Забыли свой пароль?
Регистрация