- Баланы адам этген анады.
- Кийимни бичсенг, кенг бич, тар этген къыйын тюлдю.
- Айтхан сёзюне табылгъан.
- Байма, деб да, къууанма, джарлыма, деб да, джылама.
- Чоюнну башы ачыкъ болса, итге уят керекди.
- Джюрек кёзден алгъа кёрюр.
- Юй кюйдю да, кюйюз чыкъды, ортасындан тюйюш чыкъды.
- Элни кючю – эмеген.
- Ашхы атаны – джашы ашхы, ашхы ананы – къызы ашхы.
- Аджашханны ызындагъы кёреди, джангылгъанны джанындагъы биледи.
- Къонакъ болсанг, ийнакъ бол.
- Башланнган иш битер, къымылдагъан тиш тюшер.
- Ауругъаннга – кийик саулукъ, джетген къызгъа – чилле джаулукъ.
- Тили узунну, намысы – къысха.
- Чомартны къолун джокълукъ байлар.
- Экиндини кеч къылсанг, чабыб джетер ашхам.
- Чыкълы кюнде чыкъмагъан, чыкъса къуру кирмеген.
- Хаухну атма, ёнгкючню сатма.
- Эркишини аманы тиширыуну джылатыр.
- Джыйырма къойну юч джыйырма эбзе кюте эди.
- Азыгъы аз, алгъа къабар, аты аман, алгъа чабар.
- Ауузу аманнга «иги», деме.
- Бёрю да ач къалмасын, эчки да ашалмасын.
- Аман къатын алгъан, арыр, иги къатын алгъан джарыр.
- Aдам боллукъ, сыфатындан белгили.
- Къарт айтханны этмеген, къартаймаз.
- Аз айтсам, кёб ангылагъыз.
- Ётюрюк хапар аякъ тюбю бла джюрюйдю.
- Адам къыйынлыгъын кёлтюрюр, зауукълугъун кёлтюрмез.
- Чакъырылгъанны аты, чакъырылмагъанны багъасы болур.
- Ауузу бла къуш тута айланады.
- Мухардан ач ычхынмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сагъыш – къартлыкъгъа сюйюмчю.
- Биреу къой излей, биреу той излей.
- Ёксюзню тилеги къабыл болур.
- Ашарыкъда сайлагъаннга – чий гырджын.
- Атынг аманнга чыкъгъандан эсе, джанынг тамагъынгдан чыкъсын.
- Акъылсызны джууукъгъа алма, акъыллыны кенгнге салма.
- Намысы болмагъанны, сыйы болмаз.
- Керилген да, ургъан кибикди.
- Джарлы тюеге минсе да, ит къабар.
- Джумушакъ терекни къурт ашар.
- Кёз – сюйген джерде, къол – ауругъан джерде.
- Эте билген, этген этеди, эте билмеген, юретген этеди!
- Ётген ёмюр – акъгъан суу.
- Намысы джокъну – дуниясы джокъ.
- Тюз сёз баргъан сууну тыяр.
- Таякъ этден ётер, тил сюекден ётер.
- Ач отунчуну ачыуу – бурнунда.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72