- Экеу тутушса, биреу джыгъылыр.
- Къонакъ аз олтурур, кёб сынар.
- Адам сёзюнден белгили.
- Аман къатын сабий табса, бий болур…
- Кесинге джетмегенни, кёб сёлешме.
- Эки къатын алгъанны къулагъы тынгнгаймаз.
- Ашда уялгъан – мухар, ишде уялгъан – хомух.
- Айырылмаз джууугъунга, унутмаз сёзню айтма.
- Урама да – ёледи, сатама да – келеди.
- Джерни букъусу кёкге къонмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Къыйынлы джети элни къайгъысын этер.
- Джол бла сёзню къыйыры джокъ.
- Баш болса, бёрк табылыр.
- Ариу джол аджал келтирмез.
- Эринчекни аурууу – кёб.
- Тёзген – тёш ашар!
- От кюйдюрген, сау болса да, тот кюйдюрген, сау болмаз.
- Байлыкъдан саулукъ ашхыды.
- Халкъгъа джарагъан, джарлы къалмаз.
- Къуллукъчума, деб махтанма, къуллукъ – хаух джамчыды!
- Къолу уллу – асыу, аягъы уллу – джарсыу.
- Ёлюк кебинсиз къалмаз.
- Джырчы ёлсе, джыры къалыр.
- Сабийликде юретмесенг, уллу болса – тюзелмез.
- Акъыллы айтыр эди, акъылсыз къоймайды.
- Этек чакъмакълары баш джаргъан, сёлешген сёзлери таш джаргъан.
- Аджаллыгъа окъсуз шкок атылыр.
- Кёб джат да, бек чаб.
- Атлыны ашхысы, ат тизгининден билинир
- Татлы сёз – балдан татлы.
- Къая джолда джортма, ачыкъ сёзден къоркъма.
- Къарнынг къанлынга кийирир.
- Окъдан джара эртде-кеч болса да бителир, сёз джара, ёмюрге къалыр.
- Уллу сёзде уят джокъ.
- Чыбыкълыкъда бюгюлмеген, къазыкълыкъда бюгюлмей эди.
- Борчунг бар эсе, хурджунунга ойлаб узал.
- Джарлы тюеге минсе да, ит къабар.
- Байлыкъ келсе, акъыл кетер.
- Адамны адамлыгъы къыйынлыкъда айгъакъланады.
- Таула не мийик болсала да, аууш табылыр.
- Айтхан – тынч, этген – къыйын.
- Ауругъанны сау билмез, ач къарынны токъ билмез.
- Билими азны – ауузунда кирит.
- Дуния малгъа сатылма, кесингден телиге къатылма.
- Таякъ этден ётер, тил сюекден ётер.
- Адамны аты башхача, акъылы да башхады.
- Арба аугъандан сора, джол кёргюзтюучю кёб болур.
- Джогъун бар этген, барын бал этген.
- Шекер бла туз – бир болмаз, ушамагъан – юй болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72