- Къарнынг тойгъунчу аша да, белинг талгъынчы ишле.
- Кютгени беш эчки, сызгъыргъаны уа, джерни джарады.
- Татлы тилде – сёз ариу, чемер къолда – иш ариу.
- Тёзген – тёш ашар!
- Айтылгъан буйрукъ, сёгюлмез
- Адеб джокъда, намыс джокъ.
- Бир абыннган – минг сюрюнюр.
- Ётген ёмюр – акъгъан суу.
- Къаллай салам берсенг, аллай джууаб алырса.
- Кёб джат да, бек чаб.
- Джахил болса анасы, не билликди баласы?
- Хоншуну тауугъу къаз кёрюнюр, келини къыз кёрюнюр.
- Дженгил джетерикме деб, узун джолну къоюб, къысхасын барма.
- Баш – акъыл ючюн, акъылман – халкъ ючюн.
- Тиширыусуз юй – отсуз от джагъа.
- Аурууну келиую тынч, кетиую – къыйын.
- Къонакъ хазыр болгъанлыкъгъа, къонакъбай хазыр тюлдю.
- Хар сёзню орну барды.
- Ёпкелегенни ашы татлы болады.
- Ата Джуртун танымагъан, атасын да танымаз.
- Рысхы – насыбха къор.
- Къартха ушагъан джаш – акъыллы, джашха ушагъан къарт – тели.
- Сабий болмагъан джерде, мёлек болмаз.
- Керек ташны ауурлугъу джокъ.
- Кенгеш болса, уруш болмаз.
- Джылкъыдан – ат чыгъар, тукъумдан – джаш чыгъар.
- Киштикге къанат битсе, чыпчыкъ къалмаз эди.
- Билим ат болуб да чабар, къуш болуб да учар.
- Ачны эсинде – аш.
- Байлыкъ тауусулур, билим тауусулмаз.
- Джолунга кёре – джюрюшюнг, джагъанга кёре – юлюшюнг.
- Махтаннган къыз, тойда джукълар.
- Джаз бир кюнню джатсанг, къыш талай кюнню абынырса.
- Мен да «сен», дейме, сен да «кесим», дейсе.
- Зар адамны насыбы болмаз.
- Билимсиз иш бармаз.
- Элни кючю – эмеген.
- Ашхы тенг джолгъа салыр, аман тенг джолдан тайдырыр.
- Агъач халкъгъа алтынды, иссиликге салкъынды.
- Таукелге нюр джауар.
- Чёбню кёлтюрсенг, тюбюнден сёз чыгъар.
- Намыс болмагъан джерде, насыб болмаз.
- Таукел къуру къалмаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Этим кетсе да, сюегим къалыр.
- Этни да ашады, бетни да ашады.
- Гыдай эчки суугъа къараб, мюйюзле кёрмесе, джашма алкъын, дегенди.
- Кеси юйюмде мен да ханма.
- Джюрек кёзден алгъа кёрюр.
- Сёз къанатсыз учар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72