- Адамны адамлыгъы къыйынлыкъда айгъакъланады.
- Махтаннган къыз, тойда джукълар.
- Джогъун бар этген, барын бал этген.
- Къарны аманнга къазан такъдырма, къолу аманнга от джакъдырма.
- Ойнай билмеген, оюн бузар.
- Бёрю да ач къалмасын, эчки да ашалмасын.
- Сибиртки да сыйлы болду, кюрек да кюнлю болду.
- Эки элинги тыйсанг, джети элде махталырса.
- Ким бла джюрюсенг, аны кёзю бла кёрюнюрсе.
- Юй кюйдю да, кюйюз чыкъды, ортасындан тюйюш чыкъды.
- Тыш элде солтан болгъандан эсе, кесинги элде олтан болгъан игиди!
- Дуния мал дунияда къалады.
- Кёзюнде тереги болгъан, чёбю болгъаннга кюле эди.
- Ётюрюкчюню шагъаты – къатында.
- Юре билмеген ит, къонакъ келтирир.
- Кёбню кёрген – кёб билир.
- Ариу сёз – къылычдан джити.
- Ашаса, ашамаса да, бёрюню ауузу – къан.
- Намыс болмагъан джерде, насыб болмаз.
- Кенгеш болса, уруш болмаз.
- Джаным-тиним – окъуу, билим.
- Ёзденликни кёбю ётюрюк.
- Къонакъны къачан кетерин сорма, къачан келлигин сор.
- Сескекли кесин билдирир.
- Къаллай салам берсенг, аллай джууаб алырса.
- Юйлю уругъа ит чабмаз.
- Тёрде – темир таякълы, къаяда – чыпчыкъ аякълы.
- Ашхы тенг джолгъа салыр, аман тенг джолдан тайдырыр.
- Таукел адам тау тешер.
- Танг атмайма десе да, кюн къоярыкъ тюйюлдю.
- Ачыу алгъа келсе, акъыл артха къалады.
- Адам къаллай бир ишленмесе, аллай бир кесин уллу кёреди.
- Арбаз сайлама да, хоншу сайла.
- Мадар болса, къадар болур.
- Ашыкъгъанны этеги бутуна чырмалыр.
- Баш – акъыл ючюн, акъылман – халкъ ючюн.
- От кюйдюрген, сау болса да, тот кюйдюрген, сау болмаз.
- Кесинг сынамагъан затны, адамгъа буюрма.
- Кюл тюбюндеги от кёрюнмейди.
- Аууздан келген, къолдан келсе, ким да патчах болур эди.
- Иги джашны ышаны – аз сёлешиб, кёб тынгылар.
- Джангызны оту джарыкъ джанмаз!
- Тил – кесген бычакъ, сёз – атылгъан окъ.
- Терслик кетер, тюзлюк джетер.
- Кесине гебен этелмеген, биреуге черен эте эди.
- Ойнаб айтсанг да, эслеб айт.
- Эл ауузу – элек, анга ийнаннган – халек.
- Эшекге миннген – биринчи айыб, андан джыгъылгъан – экинчи айыб.
- Тынгылагъан тынгы бузар.
- Тик ёргени, тик энгишгеси да болады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72