- Джолда аягъынга сакъ бол, ушакъда тилинге сакъ бол.
- Къаллай салам берсенг, аллай джууаб алырса.
- Джарлы джети элни сёзюн этер.
- Орну джокъну – сыйы джокъ.
- Джолунга кёре – джюрюшюнг, джагъанга кёре – юлюшюнг.
- Телиге акъыл салгъандан эсе, ёлгеннге джан салырса.
- Азыгъы аз, алгъа къабар, аты аман, алгъа чабар.
- Берекет берсин деген джерде, берекет болур.
- Къатын байлыкъны сюер, эр саулукъну сюер.
- Ата джурт – алтын бешик.
- Ётюрюкден тюбю джокъ, кёлтюрюрге джиби джокъ.
- Джырчы джырчыгъа – къарнаш.
- Акъыллы эркиши атын махтар, акъылсыз эркиши къатынын махтар.
- Джетген къыз джерли эшекни танымаз.
- Къарнынг бла ёч алма.
- Джукъу тёшек сайламайды.
- Тойгъа алгъа да барма, тойда артха да къалма.
- Таякъ этден ётер, тил сюекден ётер.
- Таула не мийик болсала да, аууш табылыр.
- Башынга джетмегенни сорма.
- Тыш элде солтан болгъандан эсе, кесинги элде олтан болгъан игиди!
- Онгсузну – джакъла, тенгликни – сакъла.
- Ётген ёмюр – акъгъан суу.
- Аман киши кеси юйюнде – къонакъ.
- Телини эшигин, махтау джабар.
- Суу да къайтады чыкъгъан джерине.
- Экеулен сёлеше тура эселе, орталарына барыб кирме.
- Чомарт джарлы болмаз.
- Джахил болса анасы, не билликди баласы?
- Тамырсыз терекге таянма – джыгъылырса.
- Ёгюзню мюйюзюнден тутадыла, адамны сёзюнден тутадыла.
- Ач бёрюге мекям джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёкдеги болмаса, джердегин кёрмейди.
- Чомартны къолун джокълукъ байлар.
- Рысхы – насыбха къор.
- Ханнга да келеди хариблик.
- Сакъ юйюне сау барыр.
- Гугурук къычырмаса да, тангны атары къалмаз.
- От этилмеген джерден тютюн чыкъмайды.
- Айранны сюйген, ийнек тутар.
- Бёрю да ач къалмасын, эчки да ашалмасын.
- Билим къая тешер.
- Ёксюзню тилеги къабыл болур.
- Къонакъ хазыр болгъанлыкъгъа, къонакъбай хазыр тюлдю.
- Ауузу аманнга «иги», деме.
- Тик ёргени, тик энгишгеси да болады.
- Гырджын – тепсини тамадасы.
- Тёрени джагъы джокъ.
- Ауругъан – джашаудан умутчу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72