- Тилчи тилден къаныкъмаз.
- Келинин тута билмеген, къул этер, къызын тута билмеген, тул этер.
- Джырына кёре эжиую.
- Кюн – узун, ёмюр – къысха.
- Миллетни бойну – базыкъ, аны бла кюрешген – джазыкъ.
- Уясында не кёрсе, учханында аны этер.
- Бойнуму джети джерден кессенг да, мен ол ишни этеллик тюлме.
- Сёз сёзню айтдырыр.
- Окъ къызбайны джокълайды.
- Айтханы чапыракъдан ётмеген.
- Ат да турмайды бир териде.
- Уллу сёлешме да, уллу къаб.
- Юре билмеген ит, къонакъ келтирир.
- Кечеси – аяз, кюню – къыш, джарлы къаргъагъа бир аш тюш!
- Юреннген ауруу къалмаз.
- Къозулугъунда тоймагъан, къойлугъунда тоймаз.
- Онгсузну – джакъла, тенгликни – сакъла.
- Аджашхан тёгерек айланыр.
- Эл элде бирер малынг болгъандан эсе, бирер тенгинг болсун.
- Кёл ашады да, кеси ашады.
- Адебсиз адам – джюгенсиз ат.
- Кийиминг бла танылма, адамлыкъ бла таныл.
- Чоюнну башы ачыкъ болса, итге уят керекди.
- Тойгъа алгъа да барма, тойда артха да къалма.
- Джаралыны джастыгъында сау ёлюр.
- Тюзлюк шохлукъну бегитир.
- Ата Джуртча джер болмаз, туугъан элча эл болмаз.
- Къонакъны къачан кетерин сорма, къачан келлигин сор.
- Ашхы атаны – джашы ашхы, ашхы ананы – къызы ашхы.
- Биреуге кёлтюрген таягъынг, кесинги башынга урур.
- Эринчекге кюн узун.
- Айран ичген – къутулду, джугъусун джалагъан – тутулду.
- Ишге юренсин къоллары, халкъ бла болсун джоллары.
- Акъыл неден да кючлюдю.
- Алтыннга тот къонмаз.
- Кёкдеги болмаса, джердегин кёрмейди.
- Эки элинги тыйсанг, джети элде махталырса.
- Билеги кючлю, бирни джыгъар, билими кючлю, мингни джыгъар.
- Эки къатын алгъан – эки ташны ортасына башын салгъан.
- Мал ёлсе, сюек къалыр, адам ёлсе, иши къалыр.
- Таукел къуру къалмаз.
- Тик ёргени, тик энгишгеси да болады.
- Этим кетсе да, сюегим къалыр.
- Тенгни тенглиги джашай барсанг билинир.
- Эркишини аманы тиширыуну джылатыр.
- Магъанасыз сёз – тауушсуз сыбызгъы.
- Сакъ юйюне сау барыр.
- Ёксюзню тилеги къабыл болур.
- Ата джурт – алтын бешик.
- Джол бла сёзню къыйыры джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72