- Мал тутхан – май джалар.
- Бети – къучакълар, джюреги – бычакълар.
- Акъыл бла адеб эгизледиле.
- Эр абынмай, эл танымаз.
- Аллахдан тилесенг, кёб тиле.
- Айтханы чапыракъдан ётмеген.
- Аман адам этегингден тутса, кес да къач.
- Джолунга кёре – джюрюшюнг, джагъанга кёре – юлюшюнг.
- Эринчекге кюн узун.
- Адебни адебсизден юрен.
- Ышармагъан – кюлмез, кюлмеген – къууанчны билмез.
- Тил – кесген бычакъ, сёз – атылгъан окъ.
- Джарлы тюеге минсе да, ит къабар.
- Таякъ этден ётер, тил сюекден ётер.
- Аман киши кеси юйюнде – къонакъ.
- Харам къарнашдан, халал тенг ашхы.
- Къызгъанчдан ычхыныр, мухардан ычхынмаз.
- Адам сёзюнден белгили.
- Тёрде – темир таякълы, къаяда – чыпчыкъ аякълы.
- Ёксюзню къалачы уллу кёрюнюр.
- Атлыны ашхысы, ат тизгининден билинир
- Адеб джокъда, намыс джокъ.
- Эте билген, этген этеди, эте билмеген, юретген этеди!
- Къаллай салам берсенг, аллай джууаб алырса.
- Арбаз сайлама да, хоншу сайла.
- Иги сёз – джаннга азыкъ, аман сёз башха – къазыкъ.
- Тюз сёз баргъан сууну тыяр.
- Джан саулукъ бермей, сан саулукъ бермезсе.
- Ачылгъан эт джабылыр, кёрген кёз унутмаз.
- Мал ёлсе, сюек къалыр, адам ёлсе, иши къалыр.
- Татлы тилде – сёз ариу, чемер къолда – иш ариу.
- Башы ишлегенни, ауузу да ишлер.
- Тойгъа алгъа да барма, тойда артха да къалма.
- Ушамагъан – джукъмаз.
- Ёгюзню мюйюзюнден тутадыла, адамны сёзюнден тутадыла.
- Рысхы – сют юсюнде кёмюк кибикди.
- Джуртун къоругъан озар.
- Чомарт джарлы болмаз.
- Кечеси – аяз, кюню – къыш, джарлы къаргъагъа бир аш тюш!
- Зар адамны насыбы болмаз.
- Джюз элде джюз ёгюзюм болгъандан эсе, джюз джууугъум болсун.
- Алгъанда – джууукъ, бергенде – джау.
- Къыз келсе, джумуш эте келеди, къатын келсе, ушакъ эте келеди.
- Тас болгъан бычакъны сабы – алтын.
- Адам къаллай бир ишленмесе, аллай бир кесин уллу кёреди.
- Айырылгъанланы айю ашар, бёлюннгенлени бёрю ашар.
- Тенги кёбню джау алмаз, акъылы кёбню дау алмаз.
- Къарыусузгъа кюлме, онгсузгъа тийме.
- Кесинг сынамагъан затны, адамгъа буюрма.
- Тели турса – той бузар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72