- Къаллай салам берсенг, аллай джууаб алырса.
- Байны къызы баймакъ болса да, юйде къалмаз!
- Намысы джокъну – дуниясы джокъ.
- Тёзген – тёш ашар!
- Къонакъ аз олтурур, кёб сынар.
- Эли джокъну – кёлю джокъ.
- Хоншуну тауугъу къаз кёрюнюр, келини къыз кёрюнюр.
- Атадан ёксюз – бир ёксюз, анадан ёксюз – эки ёксюз.
- Атынг аманнга чыкъгъандан эсе, джанынг тамагъынгдан чыкъсын.
- Биреуге аманлыкъны тилеме да, кесинге ашхылыкъны тиле.
- Мадар болса, къадар болур.
- Уллу суу бла уллу ауруудан башынгы сакъла.
- Агъач халкъгъа алтынды, иссиликге салкъынды.
- Сакъалы текени да бар, мыйыгъы киштикни да бар.
- Мал тутхан – май джалар.
- Башсыз урчукъ тюзюне айланмаз.
- Туз, гырджын аша, тюзлюк бла джаша.
- Уллу айтханны этмеген – уллаймаз.
- Кёл – къызбай, къол – батыр.
- Кёзден кетген, кёлден да кетеди.
- Таш бла ургъанны, аш бла ур.
- Къан бла кирген, джан бла чыгъар.
- Сагъышы джокъ – джукъучу, акъылы джокъ – къаугъачы.
- Рысхы джалгъанды: келген да этер, кетген да этер.
- Джашлыкъ этмеген, башлыкъ этмез.
- Джумушакъ сёз къаты таякъны сындырыр.
- Ойнай-ойнай кёз чыгъар.
- Джангыз торгъай джырламаз.
- Джангызны оту джарыкъ джанмаз!
- Хар сёзню орну барды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джылкъыдан – ат чыгъар, тукъумдан – джаш чыгъар.
- Тил – миллетни джаны.
- Шайтан алдады, тюзлюк къаргъады.
- Джеринден айырылгъан – джети джылар, джуртундан айырылгъан – ёлгюнчю джылар.
- Къайгъыны сюйген, къайгъы табар.
- Айтылгъан буйрукъ, сёгюлмез
- Дженгил джетерикме деб, узун джолну къоюб, къысхасын барма.
- Таукел тауну аудурур.
- Юйлю уругъа ит чабмаз.
- Харам къарнашдан, халал тенг ашхы.
- Ашхы болсанг, атынг чыгъар, аман болсанг, джанынг чыгъар.
- Сёз – кюмюш, джыр – алтын.
- Кёлсюзден сёзсюз тууар.
- Миллетни бойну – базыкъ, аны бла кюрешген – джазыкъ.
- Телини эшигин, махтау джабар.
- Борчунг бар эсе, хурджунунга ойлаб узал.
- Ёлген ийнек сютлю болур.
- Адеб этмеген, адеб кёрмез.
- Къарт бла баш аша, джаш бла аякъ аша.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72