- Сескекли кесин билдирир.
- Эки итни арасына сюек атма, эки адамны арасында сёз чыгъарма.
- Чомартха хар кюн да байрамды.
- Нафысынгы айтханын этме, намысынгы айтханын эт.
- Адамны адамлыгъы къыйынлыкъда айгъакъланады.
- Айырылгъанланы айю ашар, бёлюннгенлени бёрю ашар.
- Кёлсюзден сёзсюз тууар.
- Кёпюр салгъан кеси ётер, уру къазгъан кеси кетер.
- Тюкюрюк баш джармаз, налат кёз чыгъармаз!
- Джолда аягъынга сакъ бол, ушакъда тилинге сакъ бол.
- Байлыкъ болгъан джерде, тынчлыкъ джокъду.
- Атлыны кёрсе, джаяуну буту талыр.
- Бермеген къол, алмайды.
- Джигер – джаннга къыйынлыкъ.
- Эртде тургъан джылкъычыны эркек аты тай табар.
- Юйлю уругъа ит чабмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Арыгъан къош чамчы болур.
- Аууздан келген, къолдан келсе, ким да патчах болур эди.
- Ата джурт – алтын бешик.
- Къыз тиширыу кеси юйюнде да къонакъды.
- Джаз бир кюнню джатсанг, къыш талай кюнню абынырса.
- Эл бла кёргенинг эрелей.
- Баргъанынга кёре болур келгенинг.
- Дуния аламаты сен эсенг да, игиме деб айтма.
- Тилчиден кери бол.
- Кюн – узун, ёмюр – къысха.
- Атынг аманнга чыкъгъандан эсе, джанынг тамагъынгдан чыкъсын.
- Сютню башын джалагъан къутулур, тюбюн ичген тутулур.
- Эркишини аманы тиширыуну джылатыр.
- Кёл – къызбай, къол – батыр.
- Таула не мийик болсала да, аууш табылыр.
- Билимли ёлмез, билимсиз кёрмез.
- Ойнай билмеген, оюн бузар.
- Ата Джуртча джер болмаз, туугъан элча эл болмаз.
- Ариу – кёзге, акъыл – джюрекге.
- Джырына кёре эжиую.
- Адам боллукъ, атламындан белгили болур.
- Арбаз сайлама да, хоншу сайла.
- Аманнга игилик этсенг, юйюнге сау бармазса.
- Ётюрюкчюню шагъаты – къатында.
- Билим – акъылны чырагъы.
- Магъанасыз сёз – тауушсуз сыбызгъы.
- Акъыл бла адеб эгизледиле.
- Джаш къарыу бла кючлю, къарт акъыл бла кючлю.
- Адеб этмеген, адеб кёрмез.
- Иги адамны бир сёзю эки болмаз.
- Тёрени джагъы джокъ.
- Зар адам ашынгы ашар, кесинги сатар.
- Сёлеш деб шай берген, тохта деб, сом берген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72