- Кесинге джетмегенни, кёб сёлешме.
- Тюзлюк тас болмайды.
- Джерни букъусу кёкге къонмаз.
- Сютден ауузу кюйген, суугъа юфгюре эди.
- Къарнынг бла ёч алма.
- Тойгъан джерге джети къайт.
- Адеб базарда сатылмаз.
- Булут кёкге джарашыу, уят бетге джарашыу.
- Аллахха ийнаннган кишини, Аллах онгдурур ишин.
- Къарт айтханны этмеген, къартаймаз.
- Джырчы джырчыгъа – къарнаш.
- Акъыллы башны – тили къысха.
- Тилде сюек болмаса да, сюек сындырыр.
- Ата – баланы уясы.
- Аман эсирсе, юйюн ояр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ёксюзню тилеги къабыл болур.
- Ишленмеклик адамлыкъды.
- Эринчекни аурууу – кёб.
- Сёлеш деб шай берген, тохта деб, сом берген.
- Адамны артындан къара сабан сюрме.
- Окъуу – билимни ачхычы, окъуу – дунияны бачхычы.
- Ач къалгъандан, кеч къалгъан къолай.
- Биреу къой излей, биреу той излей.
- Джангызны оту джарыкъ джанмаз!
- Рысхы – сют юсюнде кёмюк кибикди.
- Джети тилни билген джети кишиди.
- Ашхылыкъ джерде джатмайды, аманлыкъ суугъа батмайды.
- Урунуу – насыбны анасы.
- Чомарт къонакъ юй иесин сыйлар.
- Къралынгы – душмандан, башынгы от бла суудан сакъла.
- Экеулен сёлеше тура эселе, орталарына барыб кирме.
- Сууда джау джокъ, кёб сёзде магъана джокъ.
- Байлыкъ тауусулур, билим тауусулмаз.
- Хоншуну тауугъу къаз кёрюнюр, келини къыз кёрюнюр.
- Алгъанда – джууукъ, бергенде – джау.
- Акъыл аздырмаз, билим тоздурмаз.
- Рысхы – насыбха къор.
- Элде адам къалмаса, ит тахтагъа минер.
- Хар сёзню орну барды.
- Арбаз къынгырды да, ийнек сауалмайма.
- Чыкълы кюнде чыкъмагъан, чыкъса къуру кирмеген.
- Эл бла кёргенинг эрелей.
- Атлыны кёрсе, джаяуну буту талыр.
- Ойнай-ойнай кёз чыгъар.
- Тил джюрекге джол ишлейди.
- Кесине гебен этелмеген, биреуге черен эте эди.
- Босагъа таш юйге кирмей эди, тыбыр таш эшикге чыкъмай эди.
- Акъыл бла адеб эгизледиле.
- Эркишиге тары кебек танг кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72