- Башланнган иш битер, къымылдагъан тиш тюшер.
- Билим ат болуб да чабар, къуш болуб да учар.
- Шапа кёб болса, аш татымсыз болур.
- Артына баргъанны, къатына барма.
- Аманны къуугъан, аманлыкъ табар.
- Билмезни кёзю кёрмез, этмезни къулагъы эшитмез.
- Тешик этген тынчды, аны джамагъан къыйынды.
- Ёпкелегенни ашы татлы болады.
- Къартны бурнун сюрт да, оноугъа тут.
- Къоркъакъны кёзю экили кёрюр.
- Мадар болса, къадар болур.
- Аш хазыр болса, иш харам болур.
- Ётюрюкден тюбю джокъ, кёлтюрюрге джиби джокъ.
- Джумушакъ сёз къаты таякъны сындырыр.
- Ата джурт – алтын бешик.
- Къайтырыкъ эшигинги, къаты уруб чыкъма.
- Борчунг бар эсе, хурджунунга ойлаб узал.
- Мен да «сен», дейме, сен да «кесим», дейсе.
- Аман киши кеси юйюнде – къонакъ.
- Ышармагъан – кюлмез, кюлмеген – къууанчны билмез.
- Джигер – джаннга къыйынлыкъ.
- Ариу – кёзге, акъыл – джюрекге.
- Келинин тута билмеген, къул этер, къызын тута билмеген, тул этер.
- Гугук кесини атын айтыб къычыргъанча, мен, мен деб нек тураса?
- Булут кёкге джарашыу, уят бетге джарашыу.
- Намысы болмагъанны, сыйы болмаз.
- Кесинге джетмегенни, кёб сёлешме.
- Джангыз торгъай джырламаз.
- Чабар ат – джетген къыз.
- Танг атмайма десе да, кюн къоярыкъ тюйюлдю.
- Акъыл бла адеб эгизледиле.
- Аманнга да, игиге да оноусуз къатышма.
- Ауурну тюбю бла, дженгилни башы бла джюрюген.
- Къарыусузгъа кюлме, онгсузгъа тийме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ашхы адам – халкъ байлыгъы, ашхы джер – джашау байлыгъы.
- Бозанг болмагъан джерге, къалагъынгы сукъма.
- Бермеген къол, алмайды.
- Азыкълы ат арымаз, къатыны аман джарымаз.
- Къозулугъунда тоймагъан, къойлугъунда тоймаз.
- Алгъанда – джууукъ, бергенде – джау.
- Ишлерге уял да, ашаргъа табма.
- Билимли ёлмез, билимсиз кёрмез.
- Къызны минг тилер, бир алыр.
- Ёлген аслан – сау чычхан.
- Намысы джокъну – дуниясы джокъ.
- Босагъагъа джууукъ орун болса, ашыгъыб тёрге озма.
- Ишлегенден, къарагъан уста.
- Адам туугъан джеринде, ит тойгъан джеринде.
- Кийиминг бла танылма, адамлыкъ бла таныл.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72