- Аман хансны – урлугъу кёб.
- Къралынгы – душмандан, башынгы от бла суудан сакъла.
- Нёгерсизни джолу узун.
- Кёб джат да, бек чаб.
- Джогъун бар этген, барын бал этген.
- Эр абынмай, эл танымаз.
- Аякъларынгы джууургъанынга кёре узат.
- Орундукъ тюбюнде атылсам да, орта джиликме, де да айлан.
- Билим къая тешер.
- Къая джолда джортма, ачыкъ сёзден къоркъма.
- Джылар джаш, атасыны сакъалы бла ойнар.
- Аш берме да, къаш бер.
- Эте билген, этген этеди, эте билмеген, юретген этеди!
- Нарт сёз къарт болмаз.
- Ишлегенде эринме, ишде чолакъ кёрюнме.
- Аман эсирсе, юйюн ояр.
- Термилгенинги табмазса, кюлгенинге тюберсе.
- Аджаллыгъа окъсуз шкок атылыр.
- Акъыл неден да кючлюдю.
- Билимсиз иш бармаз.
- Юй кюйдю да, кюйюз чыкъды, ортасындан тюйюш чыкъды.
- Керек ташны ауурлугъу джокъ.
- Арбаз къынгырды да, ийнек сауалмайма.
- Эрни эр этерик да, къара джер этерик да, тиширыуду.
- Акъыллы – эл иеси, тели – эл баласы.
- Ышармагъан – кюлмез, кюлмеген – къууанчны билмез.
- Ханы къызы буюгъа-буюгъа киштик болду.
- Соргъан айыб тюлдю, билмеген айыбды.
- Джаханимни кёрмей, джандетге кёл салмазса.
- Джашынгы кесинг юретмесенг, джашау юретир.
- Айран ичген – къутулду, джугъусун джалагъан – тутулду.
- Байлыкъ тауусулур, билим тауусулмаз.
- Сабий кёргенин унутмаз.
- Джарлы тюеге минсе да, ит къабар.
- Байма, деб да, къууанма, джарлыма, деб да, джылама.
- Асхат ашлыкъ сата, юйдегиси ачдан къата.
- Тёзген – тёш ашар!
- Ат басханны джер билед.
- Къыйынлы джети элни къайгъысын этер.
- Ишленмеген джаш – джюгенсиз ат, ишленмеген къыз – тузсуз хант.
- Игилик игилик бла сингдирилиучю затды.
- Къулакъдан эсе, кёзге ышан.
- Тин – байлыгъынг, терен саулугъунг.
- Гитче джилтин уллу элни джандырыр.
- Ишге юренсин къоллары, халкъ бла болсун джоллары.
- Эллинг бла джау болсанг да, юйюнг бла джау болма.
- Эртде тургъан бла эртде юйленнген сокъуранмаз.
- Къонакъны къачан кетерин сорма, къачан келлигин сор.
- Адамны сабийин сюйген джюреги, бычакъча, джитиди.
- Къызын тута билмеген, тул этер, джашын тута билмеген, къул этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72