- Ёзденликни джайгъан – джокълукъ.
- Ашын ашагъанынгы, башын да сыйла.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз сёзню айтдырыр.
- Итли къонакъ джарашмаз.
- Акъыллы айтыр эди, акъылсыз къоймайды.
- Азыкълы ат арымаз, къатыны аман джарымаз.
- Къарт бла баш аша, джаш бла аякъ аша.
- Билмезни кёзю кёрмез, этмезни къулагъы эшитмез.
- Джаным-тиним – окъуу, билим.
- Джангызны оту джарыкъ джанмаз!
- Сууда джау джокъ, кёб сёзде магъана джокъ.
- Къонакъ хазыр болгъанлыкъгъа, къонакъбай хазыр тюлдю.
- Иги бла джюрюсенг, джетерсе муратынга, аман бла джюрюсенг, къалырса уятха.
- Джангыз торгъай джырламаз.
- Тамбла алтындан бюгюн багъыр ашхы.
- Джаралыны джастыгъында сау ёлюр.
- Мухар, кеси тойса да, кёзю тоймаз.
- Ач келгенни – тойдур, кеч келгенни – къондур.
- Къоркъакъны кёзю экили кёрюр.
- Кесинг сынамагъан затны, адамгъа буюрма.
- Ёгюзню мюйюзюнден тутадыла, адамны сёзюнден тутадыла.
- Джангыз терек къынгыр ёсер.
- Чомарт къолда мал къалмаз.
- Туз, гырджын аша, тюзлюк бла джаша.
- Башынга джетмегенни сорма.
- Кийим тукъум сордурур.
- Ауузу бла къуш тута айланады.
- Сибиртки да сыйлы болду, кюрек да кюнлю болду.
- Джашлыкъ этмеген, башлыкъ этмез.
- Аман адам элни бир-бирине джау этер.
- Джырына кёре эжиую.
- Эл ауузу – элия.
- Эшекни не къадар тюйсенг да, ат болмаз.
- Термилгенинги табмазса, кюлгенинге тюберсе.
- Кёб ант этген, кёб ётюрюк айтыр.
- Тилде сюек болмаса да, сюек сындырыр.
- Кёпюр салгъан кеси ётер, уру къазгъан кеси кетер.
- Уллу айтханны этмеген – уллаймаз.
- Къазанны башы ачыкъ болса, итге уят керекди.
- Эм уллу байлыкъ – джан саулукъ.
- Къууут – джелге, берне – бошха.
- Къайгъыны сюйген, къайгъы табар.
- Байлыкъ адамны сокъур этер.
- Чакъырылмагъан къонакъ – орунсуз.
- Аман къатын сабий табса, бий болур…
- Дженгил джетерикме деб, узун джолну къоюб, къысхасын барма.
- Адамгъа аман кюн соруб келмейди.
- Къумурсхала джыйылсала, пилни да джыгъадыла.
- Айтылгъан сёз ызына къайтмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72