- Ойнай-ойнай кёз чыгъар.
- Къалгъан ишге къар джауар.
- Артына баргъанны, къатына барма.
- Огъурлуну сёзю – суу, огъурсузну сёзю – уу.
- Агъач халкъгъа алтынды, иссиликге салкъынды.
- «Ёгюз, джаргъа джууукъ барма, меннге джюк боллукъса», - дегенди эшек.
- Къыз тиширыу кеси юйюнде да къонакъды.
- Кийим тукъум сордурур.
- Тюкюрюк баш джармаз, налат кёз чыгъармаз!
- Хата – гитчеден.
- Аз айтсам, кёб ангылагъыз.
- Экеулен сёлеше тура эселе, орталарына барыб кирме.
- Рысхы – сют юсюнде кёмюк кибикди.
- Aдам боллукъ, сыфатындан белгили.
- Ашхы атаны – джашы ашхы, ашхы ананы – къызы ашхы.
- Джумушакъ терекни къурт ашар.
- Аш берме да, къаш бер.
- Этим кетсе да, сюегим къалыр.
- Ачыкъ джюрекге джол – ачыкъ.
- Аманнга да, игиге да оноусуз къатышма.
- Джан саулукъ бермей, сан саулукъ бермезсе.
- Бек ашыкъгъан меннге джетсин, дегенди аракъы.
- Шекер бла туз – бир болмаз, ушамагъан – юй болмаз.
- Къозулугъунда тоймагъан, къойлугъунда тоймаз.
- Иги адамны бир сёзю эки болмаз.
- Ётюрюкню къуйругъу – бир тутум.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адам къаллай бир ишленмесе, аллай бир кесин уллу кёреди.
- Джангыз торгъай джырламаз.
- Къаллай салам берсенг, аллай джууаб алырса.
- Термилгенинги табмазса, кюлгенинге тюберсе.
- Къарнынг ауруса, ауузунгу тый
- Суу ичген шауданынга тюкюрме.
- Таш бла ургъанны, аш бла ур.
- Джашынгы кесинг юретмесенг, джашау юретир.
- Атлыны кёрсе, джаяуну буту талыр.
- Илму – джашауну джолу.
- Миллетни бойну – базыкъ, аны бла кюрешген – джазыкъ.
- Къазанда болса, чолпугъа чыгъар.
- Тешигини къатында, чычхан да батыр болур.
- Къарт айтханны этмеген, къартаймаз.
- Бойнуму джети джерден кессенг да, мен ол ишни этеллик тюлме.
- Адамны джюреги нени кёрюрге сюйсе, кёзю да аны кёрюрге ёч болады.
- Тамбла алтындан бюгюн багъыр ашхы.
- Чомарт къолда мал къалмаз.
- Керилген да, ургъан кибикди.
- Ашхылыкъ джерде джатмайды, аманлыкъ суугъа батмайды.
- Джыгъылгъанны сырты джерден тоймаз.
- Мухарны эси – ашарыкъда.
- Аман адам этегингден тутса, кес да къач.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72