Эльбрусоид :: Форум :: Архив форумов

Намысы джокъну – дуниясы джокъ.
Ата Джуртун танымагъан, атасын да танымаз.
Зарда марда джокъ.
Къазанны башы ачыкъ болса, итге уят керекди.
Атадан ёксюз – бир ёксюз, анадан ёксюз – эки ёксюз.
Ашын ашагъанынгы, башын да сыйла.
Ёлюр джаннга, ёкюл джокъ.
Эки къатын алгъанны къулагъы тынгнгаймаз.
Игини сыйлагъан адетди.
Чакъырылгъанны аты, чакъырылмагъанны багъасы болур.
Къуллукъчума, деб махтанма, къуллукъ – хаух джамчыды!
Аманнга да, игиге да оноусуз къатышма.
Кесинг сынамагъан затны, адамгъа буюрма.
Суугъа – таянма, джаугъа – ийнанма.
Байлыкъдан саулукъ ашхыды.
Миллетни бойну – базыкъ, аны бла кюрешген – джазыкъ.
Дууулдаса – бал чибин, къонса – къара чибин.
Мал ёлсе, сюек къалыр, адам ёлсе, иши къалыр.
Хар ишни да аллы къыйынды.
Тенги кёбню джау алмаз, акъылы кёбню дау алмаз.
Ана – юйню кюн джарыгъы.
Сыфатында болмагъаны, суратында болмаз.
Алтыда кюлмеген, алтмышда кюлмез.
Тили узунну, намысы – къысха.
Аман эсирсе, юйюн ояр.
Ана къолу ачытмаз.
Ачны эсинде – аш.
Садакъачыны джаны – къапчыгъында.
Сагъышы джокъ – джукъучу, акъылы джокъ – къаугъачы.
Къая джолда джортма, ачыкъ сёзден къоркъма.
Атлыны кёрсе, джаяуну буту талыр.
Накъырданы арты керти болур.
Кёрмегеннге кебек – танг, битмегеннге сакъал – танг.
Окъуу – билимни ачхычы, окъуу – дунияны бачхычы.
Къанны къан бла джуума, аманны аман бла къуума.
Къазанчы аман болса, къазаны къайнамаз.
Тюкюрюк баш джармаз, налат кёз чыгъармаз!
Айныгъанлы алты кюн, тогъайгъанлы тогъуз кюн.
Минг тенг да азды, бир джау да кёбдю.
Тёзген – тёш ашар!
Къыз тиширыу кеси юйюнде да къонакъды.
Адеб базарда сатылмаз.
Уллу атлама – абынырса, уллу къабма – къарылырса.
Кимни – тили, тиши онглу, кимни – къолу, иши онглу.
Къызын тута билмеген, тул этер, джашын тута билмеген, къул этер.
Тенгни тенглиги джашай барсанг билинир.
Эли джокъну – кёлю джокъ.
Ауругъанны сау билмез, ач къарынны токъ билмез.
Ариу сёз джыланны орнундан чыгъарыр.
Айранны сюйген, ийнек тутар.

Логин:
Пароль:
	Запомнить меня на этом компьютере

Забыли свой пароль?
Регистрация